ພິທີເປີດຊຸດຮຽນທິດສະດີການເມືອງ ແລະ ການປົກຄອງຊັ້ນຕົ້ນຮຸ່ນທີ 1 ຂອງເມືອງວຽງຄໍາ - Vieng Chanh News

Vieng Chanh News

ແຂວງວຽງຈັນອອນລາຍ

ພິທີເປີດຊຸດຮຽນທິດສະດີການເມືອງ ແລະ ການປົກຄອງຊັ້ນຕົ້ນຮຸ່ນທີ 1 ຂອງເມືອງວຽງຄໍາ

1 min read

ວັນທີ 17 ພະຈິກ 2022 ຢູ່ທີ່ຫ້ອງປະຊຸມຊັ້ນ 4 ສໍານັກງານເມືອງວຽງຄໍາໄດ້ຈັດພິທີເປີດຊຸດຮຽນທິດສະດີການເມືອງ ແລະ ການປົກຄອງຊັ້ນຕົ້ນຮຸ່ນທີ 1 ໃຫ້ພະນັກງານຫຼັກແຫຼ່ງ ເມືອງວຽງຄໍາຂຶ້ນ.

ໂດຍເປັນປະທານຂອງທ່ານ ພອນແກ້ວ ຂົນພົນ ກໍາມະການປະຈໍາພັກແຂວງ ເລຂາພັກເມືອງ ເຈົ້າເມືອງວຽງຄໍາ ມີທ່ານ ຫຸມພັນ ເມືອງແສນ ເລຂາໜ່ວຍພັກ ຫົວໜ້າໂຮງຮຽນການເມືອງ ການປົກຄອງ ແຂວງວຽງຈັນ ມີທ່ານ ສົມໝາຍໄຊຍະວົງ ຮອງເລຂາພັກເມືອງຜູ້ຊີ້ນໍາວຽກພັກ – ພະນັກງານເມືອງວຽງຄໍາ ໃຫ້ກຽດເຂົ້າຮ່ວມມີຄະນະປະຈໍາພັກເມືອງ ມີບັນດາຫົວໜ້າຫ້ອງການ, ອົງການ, ກົມກອງ ພ້ອມດ້ວຍນັກຮຽນທິດສະດີການເມືອງ-ການປົກຄອງຊັ້ນຕົ້ນຮຸ່ນທີ 1 ຂອງເມືອງວຽງຄໍາເຂົ້າຮ່ວມຢ່າງພ້ອມພຽງ.


ໃນພິທີທ່ານ ວາດສະໜາ ມະນີວົງ ຮອງຫົວໜ້າຄະແໜງວິຊາການໂຮງຮຽນການເມືອງ -ການປົກຄອງ ແຂວງວຽງຈັນຂຶ້ນລາຍງານແຜນການຈັດຕັ້ງປະຕິບັດຊຸດຮຽນທິດສະດີການເມືອງ ແລະ ການປົກຄອງຊັ້ນຕົ້ນ ໃນໄລຍະ 3 ເດືອນຮຸ່ນທີ 1 ຢູ່ເມືອງວຽງຄໍາປະຈໍາປີ 2022 ເພື່ອສ້າງ ພະນັກງານນໍາພາ ພະນັກງານຄຸ້ມຄອງ, ຮຸ່ນສືບທອດປ່ຽນແທນຢູ່ບັນດາຫ້ອງການ, ໜ່ວຍງານຂອງເມືອງວຽງຄໍາ ພ້ອມດໍາລົງຕໍາແໜ່ງຢູ່ບັນດາອົງການຈັດຕັ້ງພັກ – ລັດ ແລະ ອົງການຈັດຕັ້ງມະຫາຊົນໃຫ້ມີລະດັບຄວາມຮູ້ທາງດ້ານທິດສະດີການເມືອງ – ການປົກຄອງລະດັບທີ່ແນ່ນອນ ສາມາດກໍາໄດ້ຫຼັກມູນທິດສະດີມາກ – ເລນິນແນວທາງຂອງພັກເພື່ອໄປໝູນໃຊ້ເຂົ້າໃນການຈັດຕັ້ງປະຕິບັດໜ້າທີ່ວຽກງານ ຂອງຕົນຢ່າງປະດິດສ້າງ.

ເພື່ອເປັນການປັບປຸງແບບແຜນວິທີນໍາພາ ວີທີເຮັດວຽກຂອງພະນັກງານໃຫ້ນັບມື້ນັບດີຂຶ້ນເປັນກ້າວໆ ໂດຍມີການກໍານົດເປົ້າໝາຍບຸກຄະລາກອນຈໍານວນ 31 ພາກສ່ວນ ໂດຍຜ່ານການເຫັນດີຂອງອົງການຈັດຕັ້ງທີ່ຜູ້ກ່ຽວສັງກັດຢູ່ ຜູ້ທີ່ນອນຢູ່ໃນມາດຖານ ແລະ ເງື່ອນໄຂ ມີນັກສຶກສາເຂົ້າຮ່ວມຈໍານວນ 60 ທ່ານ, ຍິງ 25 ທ່ານ ການຈັດຕັ້ງປະຕິບັດການຮຽນ – ການສອນຫຼັກສູດ ແມ່ນໃຊ້ ເວລາ 3 ເດືອນ ລວມມີ 9 ວິຊາ, ມີ 26 ໜ່ວຍທິດເທົ່າກັບ 411 ຊົ່ວໂມງຄື: ຂຶ້ນຫ້ອງບັນຍາຍ 196 ຊົ່ວ ໂມງ, ກຽມສໍາມະນາລວມຫ້ອງ 50 ຊົ່ວໂມງ, ສໍາມະນາລວມຫ້ອງ 5 ຊມ ແກ້ຂໍ້ຂ້ອງໃຈ 36 ຊົ່ວໂມງ, ເສັງຂຽນ 16 ຊົ່ວໂມງ ເສັງປາກເປົ່າ 35 ຊົ່ວໂມງ, ປ້ອງກັນບົດ 7 ຊົ່ວໂມງ ໃຊ້ເວລາຮຽນຕາມຮູບແບບເຕັມເວລາ ໂຄງການຫຼັກສູດປະກອບມີປັດສາຍາ 59 ຊມ, ເສດທະສາດການເມືອງ 55 ຊມ , ວິຊາຄຸ້ມຄອງເສດຖະກິດ 30 ຊມ, ວິຊາລັດທິສັງຄົມນິຍົມວິທະຍາ 55 ຊມ, ວິຊາການເມືອງວິທະຍາ 34 ຊມ, ວິຊາປົກຄອງ 34 ຊມ, ວິຊາທິດສະດີລັດ ແລະ ກົດໝາຍ 67 ຊົ່ວໂມງ, ວິຊາກໍ່ສ້າງພັກ 55 ຊມ ແລະ ວິຊາຂົນຂວາຍກໍ່ສ້າງຮາກຖານ 30 ຊມ.


ໃນຕອນທ້າຍ ທ່ານ ພອນແກ້ວ ຂົນພົນ ກໍາມະການປະຈໍາພັກແຂວງ ເລຂາພັກເມືອງ ເຈົ້າເມືອງວຽງຄໍາ ໃຫ້ກຽດມີຄໍາເຫັນໂອ້ລົມຍ້ອງຍໍຊົມເຊີຍຕໍ່ຜົນງານການຈັດຕັ້ງ ທຸກພາກສ່ວນທີ່ມີການກະກຽມ ແລະ ເປີດຊຸດຮຽນທິດສະດີຊັ້ນຕົ້ນ ຊຸດທີ 1 ຢ່າງເປັນທາງການ ທ່ານພ້ອມທັງຊີ້ທິດເຍືອງທາງໃຫ້ນັກສຶກສາທຸກພາກສ່ວນເພື່ອແນ່ໃສ່ເຮັດໃຫ້ການຮຽນການສອນມີຄວາມຮັບປະກັນ ນັກຮຽນຕ້ອງພ້ອມກັນຈັດຕັ້ງປະຕິບັດຂໍ້ກໍານົດ ກົດລະບຽບຂອງໂຮງຮຽນວາງອອກ ຢ່າງເຂັ້ມງວດ.
ພ້ອມກັນຕື່ນຕົວ, ສະໝັກໃຈຊອກຮູ້ຮໍ່າຮຽນອົດທົນຜ່ານຜ່າ ຄວາມຫຍຸ້ງຍາກດ້ວຍມາກຜົນອັນຈົບງາມ ສາມາດນໍາເອົາບົດຮຽນທິດສະດີ, ພ້ອມແນວທາງນະໂຍບາຍຂອງພັກ, ກົດໝາຍນິຕິກໍາຕ່າງໆ ຮັບໃຊ້ໃຫ້ເກີດຜົນປະໂຫຍດເປັນກ້າວໆ .

ຂ່າວ: ເມືອງວຽງຄຳ

Leave a Reply

Your email address will not be published. Required fields are marked *

ສະຫງວນລິຂະສິດ