ຄະນະກຳມະການຮັບຜິດຊອບໂຄງການທະນາຄານພັດທະນາອາຊີ ADB ລົງຊຸກຍູ້ຕິດຕາມວຽກງານກໍ່ສ້າງຂອງໂຄງການ(ADB)ຢູ່ອ່າງນໍ້າງື່ມ1ເມືອງແກ້ວອຸດົມ - Vieng Chanh News

Vieng Chanh News

ແຂວງວຽງຈັນອອນລາຍ

ຄະນະກຳມະການຮັບຜິດຊອບໂຄງການທະນາຄານພັດທະນາອາຊີ ADB ລົງຊຸກຍູ້ຕິດຕາມວຽກງານກໍ່ສ້າງຂອງໂຄງການ(ADB)ຢູ່ອ່າງນໍ້າງື່ມ1ເມືອງແກ້ວອຸດົມ

1 min read

ໃນວັນທີ 15 ພະຈິກ 2022 ຜ່ານມານີ້ຄະນະກຳມະການຮັບຜິດຊອບເງີນກູ້ຢືມ ແລະ ຊ່ວຍເຫຼືອລ້າ ທະນາຄານພັດທະນາອາຊີ ADB ເຊີ່ງນຳໂດຍທ່ານ ນາງ ໂພໄຊ ໄຊຍະວົງ ຄະນະຮັບຜິດຊອບເງິນກູ້ຢືມ ແລະ ຊ່ວຍເຫຼືອລ້າ ທະນາຄານພັດທະນາອາຊີ ADB ພ້ອມດ້ວຍທີມງານ.

ໄດ້ລົງສົມທົບກັບຄະນະກຳມະການຊີ້ນຳໂຄງການພັດທະນາໂຄງລ່າງພື້ນຖານເພື່ອສົ່ງເສີມການທ່ອງທຽ່ວຂັ້ນແຂວງເຊີ່ງນຳໂດຍທ່ານ ນາງ ອີນຄຳ ພັນດາລາ ກຳມະການພັກແຂວງ ຫົວໜ້າພະແນກຖະແຫລງຂ່າວ ວັດທະນະທຳ ແລະ ທ່ອງທຽ່ວແຂວງວຽງຈັນພ້ອມດ້ວຍທີມງານຄະນະກຳມະການຂັ້ນເມືອງ.

ການລົງຊຸກຍູ້ວຽກງານດັ່ງກ່າວໃນຄັ້ງນີ້ກໍ່ເພື່ອເປັນການກວດກາຊີ້ນຳຄືນຂອງບໍລິສັດຜູ້ຮັບເໝົາສັນຍາ WO2 ໃນນັ້ນໂຄງການປັບປຸງເສັ້ນທາງ ແລະ ສີ່ງອຳນວຍຄວາມສະດວກເຂດໜ້າເຂື່ອນອ່າງນໍ້າງື່ມ1 ເພື່ອເຮັດໃຫ້ການຈັດຕັ້ງປະຕິບັດໜ້າວຽກຂອງສັນຍາດັ່ງກ່າວສາມາດຈັດຕັ້ງປະຕິບັດໄດ້ຕາມແຜນທີ່ກຳນົດໄວ້.

ຈາກນັ້ນຄະນະຊີ້ນຳໂຄງການພັດທະນາໂຄງລ່າງພື້ນຖານເພື່ອສົ່ງເສີມການທ່ອງທຽ່ວຂັ້ນສູນກາງ,ຂັ້ນແຂວງ ແລະ ບໍລິສັດຜູ້ຮັບເໝົາ ກໍ່ໄດ້ພ້ອມກັນຄົ້ນຄົ້ວປຶກສາຫາລື ແລະ ປະກອບຄຳຄິດຄຳເຫັນຂອງແຕ່ລະໜ້າວຽກທີ່ໄດ້ຈັດຕັ້ງປະຕິບັດໃນໄລຍະຜ່ານມາ,ໂດຍເນັ້ນໜັກສະເພາະໜ້າວຽກຕົວຈີງທີ່ມີຄວາມຄືບໜ້າ ແລະ ຄວາມສຳເລັດ.

ມາຮອດປະຈຸບັນການຈັດຕັ້ງປະຕິບັດຂອງໜ້າວຽກທັງໝົດແມ່ນມີຄວາມສຳເລັດໄປແລ້ວ 29,54 ສ່ວນຮ້ອຍ.

ພາບ-ຂ່າວ: ດາວເພັດ ແກ້ວປະເສີດ

Leave a Reply

Your email address will not be published. Required fields are marked *

You may have missed

ສະຫງວນລິຂະສິດ