ກອງປະຊຸມປະເມີນຜົນການຈັດຕັ້ງປະຕິບັດວຽກງານການບໍລິການປະກັນສຸຂະພາບແຫ່ງຊາດ ຢູ່ເມືອງວຽງຄໍາ - Vieng Chanh News

Vieng Chanh News

ແຂວງວຽງຈັນອອນລາຍ

ກອງປະຊຸມປະເມີນຜົນການຈັດຕັ້ງປະຕິບັດວຽກງານການບໍລິການປະກັນສຸຂະພາບແຫ່ງຊາດ ຢູ່ເມືອງວຽງຄໍາ

1 min read

ກອງປະຊຸມປະເມີນຜົນການຈັດຕັ້ງປະຕິບັດວຽກງານການບໍລິການປະກັນສຸຂະພາບແຫ່ງຊາດ ຢູ່ເມືອງວຽງຄໍາ ກອງປະຊຸມດັ່ງກ່າວໄດ້ຈັດຂຶ້ນໃນຕອນເຊົ້າຂອງວັນທີ 16 ພະຈິກ 2022 ນີ້ ຢູ່ທີ່ຫ້ອງປະຊຸມ ຊັ້ນ 2 ຂອງຫ້ອງວ່າການເມືອງວຽງຄໍາ ແຂວງວຽງຈັນ.

ໂດຍການເປັນປະທານຂອງທ່ານ ດຣ ອາລຸນພອນ ສຸທໍາມະວົງ ຫົວໜ້າຫ້ອງການສາທາລະນະສຸກ ເມືອງວຽງຄໍາ, ໃຫ້ກຽດເຂົ້າຮ່ວມກອງປະຊຸມຄັ້ງນີ້ໂດຍທ່ານ ແກ້ວໃຈ ພົມມີ ກໍາມະການພັກເມືອງ ຮອງເຈົ້າເມືອງວຽງຄໍາ, ມີບັນດາຫົວໜ້າຫ້ອງການທີ່ກ່ຽວຂ້ອງ, ຫົວໜ້າໂຮງໝໍນ້ອຍປາກກະຍຸງ ແລະ ຫົວໜ້າໂຮງໝໍນ້ອຍດອນກວດພ້ອມດ້ວຍພະນັກງານວິຊາການ ແລະ ແພດ-ໝໍ ຢູ່ພາຍໃນເມືອງວຽງຄໍາເຂົ້າຮ່ວມ.


ໃນກອງປະຊຸມ ທ່ານ ນາງ ບັງອອນ ສີສຸທໍາ ຫົວໜ້າປະກັນສຸຂະພາບ ສຸກສາລາເມືອງວຽງຄໍາ ໃຫ້ກຽດຂຶ້ນລາຍງານຜົນຂອງການຈັດຕັ້ງປະຕິບັດ ວຽກງານການບໍລິການປະກັນສຸຂະພາບແຫ່ງຊາດ ຢູ່ເມືອງວຽງຄໍາ ປະຈໍາງວດ 1,2,3 ປີ 2022 ກ່ຽວກັບປະຫວັດຄວາມເປັນມາຂອງກອງທຶນປະກັນສຸຂະພາບແຫ່ງຊາດ(ຫຼືກປຊ)ເມືອງວຽງຄໍາ ,ມີຂຶ້ນປີ 2016ເປັນຕົ້ນມາໄດ້ປະຕິບັດ ເປັນເມືອງທີ 2 ຂອງແຂວງວຽງຈັນ ເຊິ່ງກວມເອົາສະມາຊິກທຸກຄົນ ທີ່ເປັນປະຊາຊົນພາຍໃນເມືອງວຽງຄໍາ ມາຮອດປີ 2019 ແມ່ນໄດ້ໂຮມກອງທຶນນີ້ເຂົ້າກັນກັບປະກັນສຸຂະພາບພາກລັດຖະກອນ,ພະນັກງານຕໍາຫຼວດ, ແລະ ພະນັກງານລັດວິຊາຫະກິດ ປະກອບມີ 4 ຈຸດໃຫ້ບໍລິການຄື:ໂຮງໝໍແຂວງ,ໂຮງໝໍເມືອງ,ໂຮງໝໍນ້ອຍດອນກວດ ແລະ ໂຮງໝໍນ້ອຍປາກກະຍຸງ.

ໂດຍມີສະມາຊິກປະຊາກອນຜູ້ປະກັນຕົນທັງໝົດທົ່ວເມືອງ,ສະມາຊິກທີ່ເປັນພະນັກງານລັດຖະກອນ 13,419=63,81ເປີເຊັນ,ຈໍນວນສະມາຊິກແມ່ມານ324=1,58ເປີເຊັນ,ຈໍານວນສະມາຊິກລຸ່ມ5ປີ1604=7,86ເປີເຊັນ,ຈໍານວນປະຊາຊົນທົ່ວໄປ 5042=25,72ເປີເຊັນ, ໃນປີ 2022ງວດ 1,2,3ມີຜູ້ບໍລິການທັງພາກປະຊາຊົນຫຼືກປຊ 3,688 ເທື່ອຄົນ,ພະນັກງານລັດຖະກອນອປລ 1,890ເທື່ອຄົນ,ພະນັກງານຕໍາຫຼວດ 655ເທື່ອຄົນ,ພະນັກງານລັດວິຊາຫະກິດ 186ເທື່ອຄົນ,ມີຄົນເຈັບຈ່າຍເອງທົ່ວໄປຈໍານວນ 1,972ເທື່ອຄົນ ມູນຄ່າໄດ້ຮັບທົດແທນຄືນປິ່ນປົວງວດ1,2ປີ 2022 ເຂດນອກເມືອງມີຈໍານວນເງິນທັງໝົດ 111.641.000ກີບ,ໂຮງໝໍນ້ອຍດອນກວດ19.929.000ກີບ,ໂຮງໝໍນ້ອຍປາກກະຍຸງ10.589.000ກີບ,ມີຄົນເຈັບພາກປະຊາຊົນທົດແທນຕາມລະບຽບມີ 25.863.000ກີບ,ພະນັກງານລັດ ແລະ ລັດວິຊາຫະກິດ163.774.000ກີບ.


ຜູ້ແທນກອງປະຊຸມໄດ້ພ້ອມກັນຄົ້ນຄວ້າຕົກລົງເຫັນດີເປັນເອກກະພາບ ສະເໜີໃຫ້ໂຮງໝໍນ້ອຍເຮັດກິດຈະກຳຮ່ວມກັບຄະນະ ຄສບ ແຕ່ລະບ້ານກໍ່ຄືກິດຈະກຳສຸຂະສືກສາຮ່ວມກັບຊຸມຊົນແຕ່ລະບ້ານ ເພື່ອໃຫ້ປະຊາຊົນມີຄວາມເຊື່ອໝັ້ນ ຕົກລົງເຫັນດີ ໃຫ້ໂຮງໝໍນ້ອຍທົດແທນເງິນຊ່ວຍ ກ່ຽວກັບງົບປະມານຂັ້ນໂຮງໝໍນ້ອຍເກີນ ແລະ ໂຮງໝໍຊຸມຊົນຂາດ ແມ່ນຕົກລົງໃຫ້ແບ່ງຈາກໂຮງໝໍນ້ອຍ 50 ໃນລາຍຮັບ 2 ງວດ ຂອງປີ 2022 ສະເໜີໃຫ້ພາກສ່ວນກ່ຽວຂ້ອງ ສັງລວມຈໍານວນສະມາຊິກທີ່ມາບໍລິການຂ້າມເຂດໂດຍສະເພາະ ( ບ້ານ ໂນນສະຫວ່າງ ) ເພື່ອນຳສະເໜີປັບປຸງການຄິດໄລ່ເງິນທົດແທນ ການປີ່ນປົວຕໍ່ກອງປະຊຸມຂັ້ນແຂວງ, ຂັ້ນເມືອງ ຕ້ອງລົງຕິດຕາມຊຸກຍູ້ໂຮງໝໍນ້ອຍ ກ່ຽວກັບວຽກງານການບໍລິການ ຫຼື ວຽກງານປິ່ນປົວ ເພື່ອຍົກສູງຄຸນນະພາບການບໍລິການໃຫ້ມີປະສິດທິພາບ ເພື່ອໃຫ້ປະຊາຊົນໄປບໍລິການຫຼາຍຂື້ນ.


ໃນຕອນທ້າຍທ່ານ ແກ້ວໃຈພົມມີ ກໍາມະການພັກເມືອງ ຮອງເຈົ້າເມືອງວຽງຄໍາ ໃຫ້ກຽດຂຶ້ນມີຄໍາເຫັນໂອ້ລົມຍ້ອງຍໍຊົມເຊີນຕໍ່ຜົນງານການຈັດຕັ້ງປະຕິບັດ ຂອງວຽກງານທີ່ຜ່ານມາ ທ່ານພ້ອມທັງຊີ້ທິດເຍືອງທາງ ເຖິງບັນດາ ພະນະກງານແພດໝໍ ສຸກສາລາເມືອງ ຈົ່ງພ້ອມກັນເອົາໃຈໃສ່ ຈັດຕັ້ງປະຕິບັດ ເນື້ອໃນກອງປະຊຸມຄັ້ງນີ້ ໄປຈັດຕັ້ງປະຕິບັດການບໍລິການ ໃຫ້ປະກົດຜົນຢ່າງແທ້ຈິງ.

ຂ່າວ: ເມືອງວຽງຄຳ

Leave a Reply

Your email address will not be published. Required fields are marked *

You may have missed

ສະຫງວນລິຂະສິດ