Vieng Chanh News

ແຂວງວຽງຈັນອອນລາຍ

ເມືອງໝື່ນ ເປີດຝຶກອົບຮົມວິຊາສຶກສາປ້ອງກັນຕົວຂັ້ນພື້ນຖານ ໃຫ້ນັກຮຽນຊັ້ນ ມ6 – ມ7 ທົ່ວເມືອງ ປະຈຳສົກຮຽນ 2020 – 2021

1 min read

ເມືອງໝື່ນ ເປີດຝຶກອົບຮົມວິຊາສຶກສາປ້ອງກັນຕົວຂັ້ນພື້ນຖານ ໃຫ້ນັກຮຽນຊັ້ນ ມ6 – ມ7 ທົ່ວເມືອງ ປະຈຳສົກຮຽນ 2020 – 2021


ພິທີເປີດຊຸດຝຶກອົບຮົມວິສາສຶກສາປ້ອງກັນຕົວຂັ້ນພື້ນຖານ ໃຫ້ນັກຮຽນມັດທະຍົມຊັ້ນ ມ6-ມ7 ທົ່ວເມືອງ ປະຈຳສົກຮຽນ 2020 – 2021 ໄດ້ຈັດຂຶ້ນ ໃນຕອນເຊົ້າ ວັນທີ 25 ມັງກອນ 2021 ທີ່ ສະໂມສອນ ໂຮງຮຽນ ມສ ນໍ້າຮອນ

ໂດຍການເປັນປະທານ ຂອງທ່ານ ພອນເທີດ ສຸຫວັດດີ ກຳມະການພັກເເຂວງ ,ເລຂາພັກເມືອງ ,ປະທານປ້ອງກັນຊາດ-ປ້ອງກັນຄວາມສະຫງົບ, ເຈົ້າເມືອງໆໝື່ນ, ມີທ່ານ ພັທ ທອງຈັນ ເພັດສະໝອນ ຫົວໜ້າການທະຫານກອງບັນຊາການທະຫານເມືອງ,ມີທ່ານ ອາຈານ ສາຍຝົນ ສໍສັກສິດ ກຳມະການພັກເມືອງ ຫົວໜ້າຫ້ອງການສຶກສາທິການ ແລະ ກິລາເມືອງ,ມີຄະນະພັກ-ຄະນະກອງບັນຊາການທະຫານເມືອງ,ຜູ້ອຳນວຍການໂຮງຮຽນມັດທະຍົມສົມບູນ 4 ແຫ່ງທົ່ວເມືອງ ພ້ອມດ້ວຍຄະນະຮັບຜິດຊອບ,ຄູຝຶກ ແລະ ນ້ອງນັກຮຽນເຂົ້າຮ່ວມຢ່າງພ້ອມພຽງ.


ຈຸດປະສົງໃນການຝຶກ ກໍ່ເພື່ອເສີມຂະຫຍາຍ ແລະ ປູກຈິດສຳນຶກໃຫ້ນັກຮຽນ ຮູ້ຄວາມໝາຍ ແລະ ຄວາມສຳຄັນຂອງວຽກງານປ້ອງກັນຊາດ ໃຫ້ມີຄວາມສາມາດທາງດ້ານສິນລະປະຍຸດ, ຍຸດທະວີທີການ ຂອງພັກໃນໄລຍະໄໝ່ ເພື່ອແນ່ໃສ່ໃຫ້ນັກຮຽນ-ນັກສຶກສາ ໃນທົ່ງປວງຊົນເຫັນໄດ້ກຽດສັກສີ ແລະ ຄວາມຮັບຜິດຊອບຂອງຕົນຕໍ່ການສືບທອດ ແລະ ເສີມຂະຫຍາຍມູນເຊື້ອອັນປະເສີດຂອງຊາດຂອງກອງທັບລາວ ທັງເປັນການທະນຸບຳລຸງນ້ຳໃຈຮັກຊາດ,ຮັກລະບອບໃໝ່,ຍົກສູງທາງດ້ານການເມືອງ,ຄວາມຮັບຜິດຊອບອັນຖືກຕ້ອງກ່ຽວກັບເປົ້າໝາຍອຸດົມການສະຕິສູ້ຮົບຂອງກອງທັບ

ພ້ອມໃຫ້ນັກຮຽນຮັບຮູ້ເນື້ອໃນທິດສະດີ ແລະ ຫຼັກວິຊາສຶກສາປ້ອງກັນຊາດໃນຂັ້ນພື້ນຖານ ແລະ ສາມາດນຳໃຊ້ຄວາມຮູ້ທີ່ໄດ້ຮຽນມາເຂົ້າໃນການດຳລົງຊີວິດປະຈຳວັນ ແລະ ສຶກສາຮ່ຳຮຽນໃນຂັ້ນຕໍ່ໄປ.


ໃນພິທີເປີດໄດ້ມີການຜ່ານ ຂໍ້ຕົກລົງຂອງທ່ານ ເຈົ້າເມືອງ-ເມືອງໝື່ນ ວ່າດ້ວຍ: ການອະນຸມັດເປີດບັ້ນຝຶກອົບຮົມວິຊາປ້ອງກັນຕົວຂັ້ນພື້ນຖານໃຫ້ຮັກຮຽນຊັ້ນ ມ6 -ມ7 ແລະ ຜ່ານຂໍ້ຕົກລົງຂອງທ່ານ ເຈົ້າເມືອງ – ເມືອງໝື່ນ ວ່າດ້ວຍ: ການແຕ່ງຕັ້ງຄະນະຊີ້ນຳລວມ ແລະ ຄະນະຮັບຜິດຊອບບັ້ນຝຶກອົບຮົມວິຊາປ້ອງກັນຕົວຂັ້ນພຶ້ນຖານ ຈາກນັ້ນຕາງໜ້າຄະນະຮັບຜິດຊອບກໍ່ໄດ້ຂຶ້ນຜ່ານແຜນການຝຶກອົບຮົມ – ຫັດແອບວິຊາສຶກສາປ້ອງກັນຕົວຂັ້ນພື້ນຖານ ພ້ອມໃຫ້ຮູ້ວ່າ: ຫຼັກສູດໃນການຝຶກປະກອບມີ 4 ພາກຄື: ພາກການເມືອງ,ພາກການທະຫານ,ພາກສິນລະປະຍຸດ ແລະ ພາກຍຸດທະວິທີ ໂດຍແບ່ງອອກເປັນ 4 ສູນຝຶກຄື: ສູນ ມສ ນ້ຳຮອນ ວັນທີ 25-30 ມັງກອນ 2021,ສູນ ມສ ນ້ຳເພີນວັນທີ 1 – 6 ກຸມພາ 2021,ສູນ ມສ ເມືອງໝື່ນວັນທີ 8 – 3 ກຸມພາ 2021 ແລະ ສູນ ມສ ບ້ານວັງ ວັນທີ 15 – 20 ກຸມພາ 2021 ໃຊ້ເວລາຮຽນຕົວຈິງທັງໝົດ 24 ວັນ ເທົ່າກັບ 160 ຊົ່ວໂມງເຕັມ.

ຂ່າວ ແຫວນຄຳ

Leave a Reply

Your email address will not be published. Required fields are marked *