Vieng Chanh News

ແຂວງວຽງຈັນອອນລາຍ

ໂຄສະນາເຜີຍແຜ່ປູກຈິດສໍານຶກວຽກງານອະນຸລັກໃຫ້ນ້ອງນັກຮຽນ ມຕ ສົມສະໜຸກ ເມືອງຫີນເຫີບ ແຂວງວຽງຈັນ

1 min read

ໂຄສະນາເຜີຍແຜ່ປູກຈິດສໍານຶກວຽກງານອະນຸລັກໃຫ້ນ້ອງນັກຮຽນ ມຕ ສົມສະໜຸກ


ວັນທີ 25 ມັງກອນ 2021 ຢູ່ທີ່ໂຮງຮຽນ ມຕ ສົມສະໜຸກເມືອງຫີນເຫີບແຂວງວຽງຈັນທິມງານໂຄງການຄຸ້ມ
ຄອງປ່າສະຫງວນພູມືດພູສັນເຂື່ອນແບບມີສ່ວນຮ່ວມກັບຊຸມຊົນໄດ້ລົງໂຄສະນາເຜີຍແຜ່ປູກຈິດສໍານຶກວຽກງານອະນຸ
ລັກຊັບພະຍາກອນປ່າໄມ້ໃຫ້ນ້ອງນັກຮຽນ ມຕ ສົມສະໜຸກເຂົ້າຮ່ວມມີຫົວໜ້າ, ຮອງຫົວໜ້າຫ້ອງການ, ຕາງໜ້າ
ຫ້ອງການ, ອົງການປົກຄອງບ້ານ ແລະ ນ້ອງນັກຮຽນ ມຕ ສົມສະໜຸກເຂົ້າຮ່ວມ.


ທ່ານ ອຸ່ນເຮືອນ ແກ້ວພົມມາ ຫົວໜ້າກອງຄຸ້ມຄອງປ່າສະຫງວນ ແລະ ປ່າປ້ອງກັນ ( ໂຄງການຄຸ້ມຄອງປ່າ
ສະຫງວນພູມືດພູສັນເຂື່ອນແບບມີສ່ວນຮ່ວມກັບຊຸມຊົນ ) ກ່າວວ່າ ໃນໄລຍະຜ່ານມາທາງໂຄງການແມ່ນໄດ້ຈັດຕັ້ງປະ ຕິບັດຢູ່ປ່າສະຫງວນຢູ່ພູມືດຢູ່ສັນເຂື່ອນແບບມີສ່ວນຮ່ວມຂອງຊຸມຊົນໂດຍການສ້າງແຜນຄຸ້ມຄອງປ່າສະຫງວນ ການລາດຕະເວນ, ການປູກຈິດສໍານຶກໃຫ້ຊາວບ້ານ ແລະ ພັດ ທະນາຊີວິດການເປັນຢູ່ເຊິ່ງກວມເອົາ 4 ເມືອງຄື ເມືອງວັງວຽງ, ເມືອງຫີນເຫີບ, ເມືອງໂພນໂຮງ ແລະ ເມືອງແກ້ວອຸດົມ, ມີ 18 ບ້ານ, ຜູ້ເຂົ້າຮວ່ມ

ສ່ວນໃຫຍ່ແມ່ນພະນັກງານ ທະຫານ, ຕໍາຫຼວດ, ພໍ່ແມ່ປະຊາຊົນ ສະນັ້ນທາງໂຄງການຈຶ່ງເຫັນໄດ້ຄວາມສໍາຄັນຂອງນ້ອງນັກຮຽນ ເພື່ອເຮັດໃຫ້ເຂົາເຈົ້າເຂົ້າໃຈວ່າສັດປະເພດໃດເປັນປະເພດສັດຫ່ວງຫ້າມ, ປະເພດຄຸ້ມຄອງ ແລະ ປະເພດໃດສາມາດນໍາໃຊ້ໄດ້ ການປົກປັກຮັກສາປ່າໄມ້, ຜົນຮ້າຍຂອງການທໍາລາຍປ່າໄມ້, ຜົນຮ້າຍຂອງຜູ້ບໍລິໂພກສັດປ່າແລ້ວນໍາໄປບອກພີ່ນ້ອງ ຫຼື ພໍ່ແມ່ໃຫ້ຊ່ວຍໃນການອະນຸລັກປົກປັກຮັກສາປ່າໄມ້ – ສັດປ່າ ແລະ ໄດ້ຮັບການສະໜັບສະໜູນຈາກທະນາຄານໂລກໃນການຄຸ້ມຄອງປ່າສະຫງວນ – ປ່າປ້ອງກັນ, ສາຍວີດີໂອຕົວຢ່າງການຢຶດ ແລະ ທໍາລາຍສັດປ່າ, ອະທິບາຍໂປດສະເຕີກ່ຽວກັບການອະນຸລັກຊັບພະຍາກອນປ່າໄມ້,

ສາຍວີດີໂອພະຍາດຕິດຕໍ່ຈາກສັດປ່າສູ່ຄົນ, ຫຼີ້ນເກມ, ຖາມ – ຕອບທົບທວນຄວາມເຂົ້າໃຈ, ທາງທີມງານຍັງໄດ້ມອບຂອງຂວັນ, ປຶ້ມຂຽນ ແລະ ອຸປະກອນກິລາໃຫ້ແກ່ໂຮງຮຽນປະຖົມບ້ານສີວິໄລ ທ່ານ ນົງຄານ ອຳນວຍການໂຮງຮຽນ ມຕ ສົມສະໜຸກໄດ້ຕາງໜ້າໃຫ້ຄະນະພັກ,

ຄະນະນໍາໂຮງຮຽນຍັງໄດ້ກ່າວສະແດງຄວາມຂອບອົກຂອບໃຈມາຍັງທີມງານທີ່ໄດ້ລົງມາເຜີຍແຜ່ໂຄສະນາປູກຈິດສໍານຶກວຽກງານອະນຸລັກຊັບພະຍາກອນປ່າໄມ້ໃຫ້ແກ່ນ້ອງນັກຮຽນໃຫ້ມີຄວາມຮັບເຂົ້າ ໃຈໃນການອະນຸລັກປົກປັກຮັກສາປ່າໄມ້ ແລະ ສັດປ່າທີ່ຫ່ວງຫ້າມເພື່ອບໍ່ໃຫ້ສູນພັນ.

ຂ່າວ ເມືອງຫີນເຫີບ

Leave a Reply

Your email address will not be published. Required fields are marked *