Vieng Chanh News

ແຂວງວຽງຈັນອອນລາຍ

ສະຫະພັນບານເຕະແຫ່ງຊາດລາວໄດ້ມີພິທີເປີດຈັດຝຶກອົບຮົມຄູຝຶກສອນບານເຕະຂັ້ນພື້ນຖານ ລະດັບ ດີ ( LFF ” D ” Certificate Coaching Course 2021 )

1 min read

ໃນຕອນເຊົ້າວັນທີ 06 ເມສາ 2021 ສະຫະພັນບານເຕະແຫ່ງຊາດລາວໄດ້ມີພິທີເປີດຈັດຝຶກອົບຮົມຄູຝຶກສອນບານເຕະຂັ້ນພື້ນຖານ ລະດັບ ດີ ( LFF ” D ” Certificate Coaching Course 2021 )

ໄດ້ຈັດຂຶ້ນທີ່ ຫ້ອງປະຊຸມ ຫ້ອງການ ສຶກສາທິການ ແລະ ກິລາ ເມືອງ ວັງວຽງ ແຂວງ ວຽງຈັນ ເຊິ່ງນຳໂດຍ ທ່ານ ສົມພູ ດວງດາລາ ຫົວຫນ້າຄູຝຶກສອນບານເຕະ ພ້ອມດ້ວຍ ທ່ານ ພອນປະດິດ ໄຊຍະວົງ ຄະນະຄູຝຶກສອນບານເຕະ,


ເປັນກຽດເຂົ້າຮ່ວມພິທີເປີດ ໂດຍມີ ທ່ານ ຈັນສົມ ແກ້ງມະນີວົງ ຮອງຫົວຫນ້າພະແນກສຶກສາທິການ ແລະ ກິລາ ແຂວງ ວຽງຈັນ, ທ່ານ ສີປະເສີດ ວົງສາ ຮອງຫົວຫນ້າຫ້ອງການສຶກສາທິການ ແລະ ກິລາ ເມືອງ ວັງວຽງ, ທ່ານ ພູເງິນ ບົວທອງ ຮອງເລຂາສະຫະພັນບານເຕະແຂວງວຽງຈັນ,
ມີນັກສຳມະກອນທີ່ມາຮຽນຄູຝຶກທັງຫມົດຈຳນວນ 27 ຄົນ ຍິງ 1 ຄົນ ຈາກ 10 ຕົວເມືອງຄື:


ເມືອງ ວັງວຽງ, ເມືອງ ໂພນໂຮງ, ເມືອງ ວຽງຄຳ, ເມືອງ ແກ້ວອຸດົມ, ເມືອງ ທຸລະຄົມ, ເມືອງ ຫີນເກີບ, ເມືອງ ເຟືອງ, ເມືອງ ຫມື່ນ, ເມືອງ ແມດ ແລະ ເມືອງ ກາສີ ຈາກ 2 ພາກສ່ວນມີ ວິທະຍາໄລ ເຕັກນິກ ແຂວງວຽງຈັນ ແລະ ກອງບັນຊາການ ທະຫານ ແຂວງວຽງຈັນ, 10 ໂຮງຮຽນທີ່ເຂົ້າຮ່ວມມີ ໂຮງຮຽນ ມສ ນານົກຂຸ້ມ, ໂຮງຮຽນ ມສ ສະກາ, ໂຮງຮຽນ ມໍປາຍ ວັງວຽງ, ໂຮງຮຽນ ມໍຕົ້ນ ວັງວຽງ, ໂຮງຮຽນ ມສ ນາມອນ, ໂຮງຮຽນ ມສ ຜາຕັ້ງ, ໂຮງຮຽນ ມສ ນາລອງກວາງ, ໂຮງຮຽນ ມໍຕົ້ນ ຫວ້ຍງາມ, ໂຮງຮຽນ ມສ ໂພນໄຊ.


ການຝຶກອົບຮົມ ແມ່ນ ແບ່ງອອກເປັນ 2 ພາກ ປະກອບມີ ພາກທິດສະດີ ແລະ ການປະຕິບັດຕົວຈິງໃນພາກສະຫນາມ, ການຝຶກອົບແມ່ນຈະໃຊ້ເວລາ 4 ມື້ ລະຫວ່າງ ວັນທີ 06 – 09 ເມສາ 2021.


ຈຸດປະສົງ ໃນການຝຶກອົບຮົມຄູຝຶກບານເຕະຂັ້ນພື້ນຖານ ລະດັບ ດີ ກໍເພື່ອເສີມສ້າງພັດທະນາຄູຝຶກສອນກິລາບານເຕະໃຫ້ໄດ້ທົ່ວທຸກເຂດທີ່ຫ່າງໄກ,

ເພື່ອນຳໃຊ້ການຝຶກສອນທັກສະກິລາບານເຕະຂັ້ນພືພືນຖານໃຫ້ຖືກຕ້ອງຕາມຂັ້ນຕອນ ແລະ ມີຄວາມຄ່ອງແຄ້ວ, ເພື່ອປັບປຸງ ແລະ ພັດທະນາຄູຝຶກ ໃຫ້ມີຄວາມຮູ້ຄວາມສາມາດໃນການເຂົ້າຮ່ວມການອົບຮົມຄູຝຶກລະດັບພາກພື້ນຂອງອາຊີຕາມລຳດັບອານາຄົດ.

Leave a Reply

Your email address will not be published.

ສະຫງວນລິຂະສິດ