Vieng Chanh News

ແຂວງວຽງຈັນອອນລາຍ

ການນຳແຂວງວຽງຈັນລົງຕິດຕາມຊຸກຍູ້ການກະກຽມໃຫ້ແກ່ການເລືອກຕັ້ງສະມາຊິກສະພາແຫ່ງຊາດຊຸດທີ lX ແລະ ສະພາປະຊາຊົນຂັ້ນແຂວງຊຸດທີ ll

1 min read

ການນຳແຂວງວຽງຈັນລົງຕິດຕາມຊຸກຍູ້ການກະກຽມໃຫ້ແກ່ການເລືອກຕັ້ງສະມາຊິກສະພາແຫ່ງຊາດຊຸດທີ lX ແລະ ສະພາປະຊາຊົນຂັ້ນແຂວງຊຸດທີ ll.


ໃນວັນທີ 28 ມັງກອນ 2021 ຜ່ານມານີ້ ຢູ່ທີ່ສະໂມສອນໃຫຍ່ຂອງເມືອງແກ້ວອຸດົມໄດ້ຈັດກອງປະຊຸມຮັບຕ້ອນການນຳແຂວງວຽງຈັນທີ່ໄດ້ລົງມາຕິດຕາມຊຸກຍູ້ການກະກຽມໃຫ້ແກ່ການເລືອກຕັ້ງສະມາຊິກສະພາແຫ່ງຊາດຊຸດທີ lX ແລະ ສະພາປະຊາຊົນແຂວງຊຸດທີ ll.ພາຍໄຕ້ການເປັນປະທານຂອງທ່ານ ສີສະຫວາດ ແສງພະຈັນ ກຳມະການພັກແຂວງ ເລຂາພັກເມືອງເຈົ້າເມືອງໆແກ້ວອຸດົມ.

ໂດຍເປັນກຽດເຂົ້າຮ່ວມຂອງທ່ານ ເທບພະໄທ ແກ້ວເຂັມເພັດ ຄະນະປະຈຳພັກແຂວງ ປະທານແນວລາວສ້າງຊາດແຂວງວຽງຈັນ,ມີທ່ານ ຄຳພູທອນ ເທບສຸພົມ ກຳມະການພັກແຂວງ ປະທານສະຫະພັນກຳມະບານແຂວງວຽງຈັນ,ມີກຳມະການພັກເມືອງ,ຫົວໝ້າ,ຮອງຫົວໝ້າຫ້ອງການ ແລະ ກົມກອງອ້ອມຂ້າງເມືອງແກ້ວອຸດົມເຂົ້າຮ່ວມຢ່າງພ້ອມພຽງ.

ໃນກອງປະຊຸມທ່ານ ສີສະຫວາດ ແສງພະຈັນ ກຳມະການພັກແຂວງ ເລຂາພັກເມືອງເຈົ້າເມືອງໆແກ້ວອຸດົມໄດ້ໃຫ້ກຽດຂື້ນຜ່ານບົດລາຍງານການດຳເນີນການຝຶກອົບຮົມເພື່ອກະກຽມການເລືອກຕັ້ງສະມາຊິກສະພາແຫ່ງຊາດຊຸດທີ lX ແລະ ສະພາປະຊາຊົນແຂວງວຽງຈັນຊຸດທີ ll ໃຫ້ຮູ້ວ່າ:ເມືອງແກ້ວອຸດົມມີທັງໝົດ 26 ບ້ານ,ມີພົນລະເມືອງ 19.558 ຄົນ,ຍີງ 10.032 ຄົນ,ມີ 3.834 ຄົວເຮືອນ,ພາຍໃນເມືອງມີທັງໝົດ 27 ຫ້ອງການ,ນັບທັງ 2 ກອງບັນຊາການ,ຄະນະຮັບຜິດຊອບຂັ້ນເມືອງໄດ້ສ້າງແຜນການເຄື່ອນໄຫວໃນການຈັດຕັ້ງປະຕິບັດວຽກງານດັ່ງກ່າວໂດຍໄດ້ລົງເຊື່ອມຊືມເນື້ອໃນເອກະສານໃຫ້ແກ່ຜູ້ມີສິດປ່ອນບັດເລືອກຕັ້ງຢູ່ສຳນັກງານ,ອົງການ,ຫ້ອງການ,ກົມກອງ,ບັນດາບ້ານ,ໂຮງຮຽນພາຍໃນເມືອງແກ້ວອຸດົມ

ເຊີ່ງປະກອບມີ:ມະຕິວ່າດ້ວຍການເພີ້ມທະວີການຊີ້ນຳ-ນຳພາຂອງຄະນະພັກຕໍ່ການເລືອກຕັ້ງສະມາຊິກສະພາແຫ່ງຊາດຊຸດທີ lX ແລະສະມາຊິກສະພາປະຊາຊົນແຂວງຊຸດທີ ll ສະບັບເລກທີ 118/ກມສພ,ລົງວັນທີ 7 ກັນຍາ 2020,ເອກະສານກຽ່ວກັບການເສີມຂະຫຍາຍສິດເປັນເຈົ້າຂອງປະຊາຊົນ ເຂົ້າໃນການເລືອກຕັ້ງສະມາຊິກສະພາແຫ່ງຊາດຊຸດທີ lX ແລະ ສະພາປະຊາຊົນແຂວງຊຸດທີ ll,ເອກະສານກຽ່ວກັບການເລືອກຕັ້ງສະມາຊິກສະພາແຫ່ງຊາດຊຸດທີ lX ແລະສະພາປະຊາຊົນແຂວງຊຸດທີ ll ແລະ ເນື້ອໃນເອກະສານອື່ນໆທີ່ປີ່ນອ້ອມ

ໃນນັ້ນໄດ້ມີຜູ້ເຂົ້າຮ່ວມຮັບຟັງການເຊື່ອມຊືມເນື້ອໃນເອກະສານທັງໝົດ 2.990 ຄົນ,ຍີງ 1.097 ຄົນ.ພ້ອມນັ້ນໃນກອງປະຊຸມຍັງໄດ້ຮັບຟັງການມີຄຳເຫັນຈາກຄະນະປະທານ ແລະ ຜູ້ແທນກອງປະຊຸມເພື່ອເຮັດໃຫເນື້ອໃນເອກະສານດັ່ງກ່າວມີປະສິດທິຜົນ ແລະ ມີຜົນສຳເລັດຢ່າງຈົບງາມອີກດ້ວຍ.

ຂ່າວເມືອງແກ້ວອຸດົມ(ດາວເພັດແກ້ວປະເສິດ)

Leave a Reply

Your email address will not be published. Required fields are marked *

You may have missed