Vieng Chanh News

ແຂວງວຽງຈັນອອນລາຍ

ກອງບັນຊາການທະຫານເມືອງເຟືອງຈັດຝຶກອົບຮົມການເມືອງ-ການທະຫານ

1 min read

ກອງບັນຊາການທະຫານເມືອງເຟືອງຈັດຝຶກອົບຮົມການເມືອງ-ການທະຫານ.


ເພື່ອເປັນການກະຕຸກ ຊຸກຍູ້, ການຈັດຕັ້ງປະຕິບັດ, ຂໍ້ກຳນົດ, ກົດລະບຽບ, ແບບແຜນວິທີເຮັດວຽກ, ຄວາມຮູ້ ຄວາມສາມາດທາງດ້ານສິລະປະຍຸດ-ຍຸດທະວິທີ ຢູ່ພາຍໃນກົມກອງ ໃຫ້ນັບມື້ມີຄວາມເຂັ້ມແຂງ ແລະເຕີບໃຫຍ່ ເຂັ້ມແຂງຂື້ນເລື້ອຍໆ.

ຄະນະກອງບັນຊາການທະຫານເມືອງເຟືອງ ຈຶ່ງມີແຜນການຝຶກການເມືອງ-ການທະຫານໃຫ້ແກ່ກຳລັງອ້າຍນ້ອງທະຫານຢູ່ພາຍໃນກົມກອງ ເຊິ່ງເລີ່ມຈັດຕັ້ງການຝຶກການຮຽນ-ການສອນແຕ່ວັນທີ 5 ກຸມພາ 2020 ເປັນຕົ້ນມາ ຄືຝຶກທາງດ້ານການເມືອງ ທິດສະດີ ຫຼັກການ, ວຽກງານພາລາທິການ, ພາກຍຸດທະວິທີໄດ້ຮຽນຮູ້ບຸກຄົນອາໃສພູມມີປະເທດ, ຈຸໜ້າທີ່ປ້ອງກັນທີ່ຕັ້ງ, ຈັງຫວະພື້ນຖານໃນການສູ້ຮົບ, ຄຸນຄ່າສະມັດຕະພາບການປະກອບສ້າງຂອງປືນ, ak ckc ການປົກປັກຮັກສາ, ເລັງປືນ, ບົດປືນສາກ ແລະຍິງລູກປືນແທ້.

ຜ່ານການຝຶກອົບຮົມທາງດ້ານທິດສະດີຫຼັກການ ບວກກັບການປະຕິບັດຕົວຈິງ ຮອດວັນທີ 28 ມັງກອນ 2021 ຈຶ່ງໄດ້ມີການ ປິດສະຫຼຸບບັ້ນການຝຶກອົບຮົມ ແລະ ມີການຍິງລູກປືນແທ້ຢູ່ທີ່ສະໜາມ

ໂດຍເປັນກຽດເຂົ້າຮ່ວມ ຂອງ ທ່ານ ຄຳເພັດ ຈັນສົມພູ ກຳມະການພັກແຂວງ ເລຂາພັກເມືອງ ເຈົ້າເມືອງໆເຟືອງ ປະທານປ້ອງກັນຊາດ-ປ້ອງກັນສະຫງົບ, ມີ ທ່ານ ພັທ ຄຳໃບ ໄຊຍະວົງ ຫົວໜ້າການ ທະຫານ ກອງບັນຊາການທະຫານ ເມືອງເຟືອງ, ມີຄະນະປະຈຳ , ກຳມະການພັກເມືອງ, ຫົວໜ້າຫ້ອງການ , ຫົວໜ້າກ້ອງຮ້ອຍກອງຫຼອນທົ່ວເມືອງ ແລະກຳລັງອ້າຍນ້ອງທະຫານພາຍໃນກົມກອງໄດ້ພ້ອມກັນເຂົ້າຮ່ວມທັງໝົດ 60 ທ່ານ, ຍິງ 3 ທ່ານ.


ຜ່ານການຈັດຕັ້ງຝຶກອົບຮົມສາມາດຕີລາຄາຜົນໄດ້ຮັບຄື: ພາກການເມືອງຕີລາຄາໄດ້ 75 %, ພາກສິລະປະຍຸດ ຕີລາຄາໄດ້ 80 % ແລະພາກຍຸດທະວິທີ ຕີລາຄາໄດ້ 75%.

ໃນໂອກາດນີ້ ທ່ານ ຄຳເພັດ ຈັນສົມພູ ປະທານວຽກງານ ປ້ອງກັນຊາດ-ປ້ອງກັນຄວາມສະຫງົບ ກໍ່ໄດ້ມີຄຳເຫັນ ກ່າວສະແດງຄວາມຍ້ອງຍໍຊົມເຊີຍມາຍັງຄະນະກອງບັນຊາການທະຫານເມືອງເຟືອງ ພ້ອມດ້ວຍພະນັກງານ-ນັກຮົບ ທີ່ໄດ້ມີຄວາມອົດທົນ ແລະຕັດສິນໃຈສູງ

ເອົາໃຈໃສ່ໃນການຈັດຕັ້ງປະຕິບັດບັ້ນການຝຶກອົບຮົມເທຶ່ອນີ້ຈົນມີຄວາມສຳເລັດຈົບງາມ ແລະຮຽກຮ້ອງມາຍັງອ້າຍນ້ອງທະຫານຈົ່ງນຳເອົາບົດຮຽນ ໄປຈັດຕັ້ງ ຜັນຂະຫຍາຍ ໝູນໃຊ້ເຂົ້າໃນວຽກງານວິຊາສະເພາະກໍ່ຄືວຽກງານປ້ອງກັນຊາດ

ພ້ອມກັນປະກອບສ່ວນເຮັດ 2 ໜ້າທີ່ຍຸດທະສາດຄື: ປົກປັກຮັກສາ ແລະສ້າງສາພັດທະນາປະເທດຊາດ ໃຫ້ນັບມື້້ມີຄວາມກ້າວໜ້າຂື້ນເລື້ອຍໆ.
ຂ່າວ: ຄຳລຸນ ສົມວົງໄຊ

Leave a Reply

Your email address will not be published. Required fields are marked *

You may have missed