Vieng Chanh News

ແຂວງວຽງຈັນອອນລາຍ

ເມືອງແມດເຊື່ອມຊຶມມະຕິວຽກງານການເມືອງແນວຄິດໃນໄລຍະໃໝ່

1 min read

ວັນທີ່ 27 ມັງກອນ 2021 ຜ່ານມານີ້, ຢູ່ທີ່ສະໂມສອນຂອງເມືອງແມດ ແຂວງວຽງຈັນ ໄດ້ມີກອງປະຊຸມເຊື່ອມມະຕິວ່າດ້ວຍການຍົກສູງຄຸນນະພາບວຽກງານການເມືອງ – ແນວຄິດໃນໄລຍະໃໝ່, ໂດຍເປັນປະທານຂອງທ່ານ ອອ່ນຕາ ທຳມະວົງສາ ຮອງເລຂາພັກເມືອງ ປະທານກວດກາພັກ – ລັດເມືອງ, ມີບັນດາທ່ານຄະນະປະຈຳພັກເມືອງ, ກຳມະການພັກເມືອງ, ຫົວໜ້າຫ້ອງການຮອງຫ້ອງການ, ພະນັກງານ – ລັດຖະກອນ, ນາຍ ແລະ ພົນທະຫານ, ນາຍ ແລະ ພົນຕຳຫຼວດເຂົ້າຮ່ວມ,

ກອງປະຊຸມດັ່ງກ່າວທ່ານ ອອ່ນຕາ ທຳມະວົງສາ ຮອງເລຂາພັກເມືອງ ປະທານກວດກາພັກ – ລັດ ກໍ່ໄດ້ຂື້ນຜ່ານເອກະສານມະຕິວ່າດ້ວຍການຍົກສູງຄຸນນະພາບວຽກງານການເມືອງ – ແນວຄິດໃນໄລຍະໃໝ່, ເຊິ່ງໄດ້ຍົກໃຫ້ເຫັນສະພາບການຈັດຕັ້ງປະຕິບັດວຽກງານການເມືອງ – ແນວຄິດໃນໄລຍະຜ່ານມາ, ດ້ານດີ ແລະ ຜົນສຳເລັດຂອງວຽກງານການເມືອງ – ແນວຄິດໃນໄລຍະຜ່ານມາ, ພັກເຮົາຍາມໃດກໍ່ຢຶດໝັ້ນທິດນຳພື້ນຖານຂອງພັກເຮົາ, ຖືເອົາວຽກງານການເມືອງ – ແນວຄິດເປັນໜ້າທີ່ສຳຄັນພື້ນຖານ, ເປັນວຽກກົກ, ເປັນວຽກທີ່ຕ້ອງເຮັດກ່ອນ, ເຮັດເປັນປະຈຳ ແລະ ສ່ອດຫ້ອຍໄປທຸກຂົງເຂດວຽກງານຂອງພັກ – ລັດ, ຂອງອົງການຈັດຕັ້ງມະຫາຊົນ ແລະ ອົງການຈັດຕັ້ງສັງຄົມ,

ເປັນປັດໃຈຮັບປະກັນທຸກໄຊຊະນະຂອງການປະຕິວັດ, ຕະຫຼອດໄລຍະແຫ່ງການຈັດຕັ້ງຜັນຂະຫຍາຍແນວທາງປ່ຽນແປງໃໝ່ ທຸກອົງການຈັດຕັ້ງຂອງພັກ – ລັດ, ແນວລາວສ້າງຊາດ ແລະ ບັນດາອົງການຈັດຕັ້ງມະຫາຊົນໄດ້ນຳເອົາເນື້ອໃນຈິດໃຈບັນດາມະຕິຂອງພັກມາຄົ້ນຄ້ວາ, ປຶກສາຫາລື ແລະ ຫັນເປັນອັນລະອຽດ, ວຽກງານການເມືອງແນວຄິດໄດ້ປະກອບ່ວນສຳຄັນເຂົ້າໃນການເຮັດໃຫ້ປະເທດຊາດມີສະຖຽນລະພາບທາງດ້ານການເມືອງ, ສັງຄົມມີຄວາມສະຫງົບ, ເສດຖະກິດມີການຂະຫຍາຍຕົວ, ມີວັດທະນະທຳອັນດີງາມຂອງຊາດ, ຂອງເຜົ່າໄດ້ຮັບການປົກປັກຮັກສ ແລະ ເສີມຂະຫຍາຍ, ຊິວິດການເປັນຢູ່ຂອງປະຊາຊົນບັນດາເຜົ່າດ້ມີການປັບປຸງໃຫ້ດີຂື້ນເທື່ອລະກ້າວ ແລະ ບົດບາດອິດທິພົນຂອງພັກ ແລະ ຂອງຊາດເຮົາໄດ້ຮັບການເຊີດຊູສູງເດັ່ນຂື້ນໃນເວທີສາກົນ, ທັດສະນະພື້ນຖານຂອງພັກ, ທິດທາງລວມ ແລະ ໜ້າທີ່ຕົ້ນຕໍຂອງວຽກງານການເມືອງແນວຄິດໃນໄລຍະໃໝ່,

ພັກເຮົາຖືວ່າວຽກງານການແນວຄິດແມ່ນວຽກກົກໃນການກໍ່ສ້າງປັບປຸງພັກເປັນປັດໃຈສຳຄັນ ຮັບປະກັນສະຖຽນລະພາບທາງດ້ານການເມືອງ, ຮັບປະກັນຄວາມໝັ້ນຄົງຂອງປະເທດຊາດ ແລະ ຄວາມສະຫງົບສຸກຂອງສັງຄົມ, ວຽກງານການເມືອງແນວຄິດແມ່ນວຽກງານຕົ້ນຕໍ, ແມ່ນໜ້າທີ່ ແລະ ຄວາມຮັບຜິດຊອບໂດຍກົງຂອງຄະນະພັກ, ການດຳເນີນວຽກງານການເມືອງແນວຄິດຕ້ອງຢູ່ໃນທ່າບຸກ ແລະ ຕ້ອງນຳໃຊ້ຫຼາຍຮູບການ, ຫຼາຍກຳລັງ ແລະ ມີເນື້ອໃນທີ່ຖືກຕ້ອງ, ສ່ອດຄ່ອງກັບແຕ່ລະເປົ້າໝາຍ, ຕ້ອງກຳແໜ້ນສະພາບແນວຄິດ, ກຳແໜ້ນຫາງສຽງ ແລະ ສາມາດຄາດຄະເນທ່າອ່ຽງແນວຄິດທີ່ເກີດຂື້ນ ຜ່ານການຄົ້ນຄ້ວາ, ວິເຄາະຢ່າງເລິກເຊິ່ງເປັນພື້ນຖານຮັບປະກັນຄວາມເປັນເຈົ້າການເຄືຶ່ນໄຫວດ້ານການເມືອງແນວຄິດໃນທຸກສະຖານະການ ແລະ ທັງຮັບປະກັນ 4 ລັກສະນະພື້ນຖານຂອງວຽກງານການເມືອງ – ແນວຄິດຄື: ລັກສະນະນຳພາ, ລັກສະນະຕໍ່ສູ້, ລັກສະນະວິທະຍາສາດ – ຕົວຈິງ ແລະ ລັກສະນະມະຫາຊົນ, ມາດຕະການຈັດຕັ້ງປະຕິບັດ,

ຄະນະບໍລິຫານງານສູນກາງພັກ ແລະ ຄະນະພັກແຕ່ລະຂັ້ນຕ້ອງປະຕິບັດບົດບາດຊີ້ນຳໂດຍກົງຕໍ່ການກຳນົດເນື້ອໃນເຄື່ອນໄຫວ, ການປັບປຸງກົງຈັກການຈັດຕັ້ງ ແລະ ເອຶ້ອອຳນວຍຄວາມສະດວກໃຫ້ແກ່ການເຄື່ອນໄຫວໃນຂົງເຂດການເມືອງເມືອງ – ແນວຄິດຖືເປັນໜຶ່ງໃນວຽກຈຸດສຸມທີ່ຕ້ອງຈັດຕັ້ງປະຕິບັດໃນຊຸມປີຕໍ່ໜ້າ, ຫຼັງຈາກນັ້ນທ່ານ ພັນໂທ ຄຳໄສ ດວງວິໄລ ຄະນະປະຈຳພັກເມືອງ ຫົວໜ້າກອງບັນຊາການ ປ ກ ຊ ເມືອງກໍ່ໄດ້ຂື້ນເລົ່າຄືນມູນເຊື້ອວັນສ້າງຕັ້ງກອງທັບປະຊາຊົນລາວຄົບຮອບ 72 ປີ ( 20 ມັງກອນ 1949 – 20 ມັງກອນ 2021 ) ເຊິ່ງທ່ານໄດ້ຍົກໃຫ້ເຫັນປະຫວັດແຫ່ງການກຳເນີດ ແລະ ເຕິບໃຫຍ່ຂະຫຍາຍຕົວຂອງກອງທັບປະຊາຊົນລາວ, ວັນທີ່ 20 ມັງກອນ 1949 ກອງທັບລາວອິດສະຫຼະໄດ້ຮັບການສ້າງຕັ້ງຂື້ນຢ່າງເປັນທາງການຢູ່ເຂດລາວຮຸ່ງພຽງສາ ເມືອງຊຽງຄໍ້ ແຂວງຫົວພັນ ໂດຍແມ່ນປະທານໄກສອນພົມວິຫານເປັນຜູ້ບັນຊາການໂດຍກົງ, ພາຍໃຕ້ການຊີ້ນຳໆພາຂອງພັກ ທີ່ມີແນວທາງການເມືອງ ແລະ ການທະຫານອັນຖືກຕ້ອງ ແລະ ປະດິດສ້າງ,

ກອງທັບປະຊາຊົນລາວໄດ້ເຕີບໃຫຍ່ເຂັ້ມແຂງ ແລະ ກ້າວຂື້ນຍາດເອົາໄຊຊະນະຢ່າງຕໍ່ເນື່ອງນິດລຽນຕິດ, ຍິ່ງຕີຍິ່ງເຕີບໃຫຍ່ເຂັ້ມແຂງເຊິ່ງມັນໄດ້ສະແດງອອກໃນແຕ່ລະໄລຍະ, ທາດແທ້ ແລະ ມູນເຊື້ອອັນສະຫງ່າອົງອາດຂອງກອງທັບປະຊາຊົນລາວ, ກອງທັບປະຊາຊົນລາວແມ່ນເລີ່ມມາຈາກກຳລັງປະກອບອາວຸດຂອງປະຊາຊົນລາວບັນດາເຜົ່າ, ສະນັ້ນທາດແທ້ຂອງກອງທັບປະຊາຊົນລາວ ແມ່ນກອງທັບປະຊາຊົນທີ່ຕໍ່ສູ້ເພື່ອປົດປ່ອຍປະຊາຊົນອອກຈາກການກົດຂີ່ຂູດຮີດຂອງສັກດີນາ ແລະ ຕ່າງຊາດ, ຕໍ່ສູ້ເພື່ອນຳເອົາເອກະລາດອຳນາດອະທິປະໄຕມາໃຫ້ແກ່ປະຊາຊົນ ເຊິ່ງພາຍໃຕ້ການຊີ້ນຳໆພາຂອງພັກປະຊາຊົນປະຕິວັດລາວ, ມູນເຊື້ອອັນສະຫງ່າອົງອາດຂອງກອງທັບປະຊາຊົນລາວຄື: ກອງທັບປະຊາຊົນລາວມີຄວາມຈົ່ງຮັກພັກດີຕໍ່ພັກ,

ຕໍ່ປະຊາຊົນ, ຕໍ່ອຸດົມການສັງຄົມນິຍົມ, ກອງທັບປະຊາຊົນລາວມີນ້ຳໃຈຕໍ່ສູ້ຢ່າງພິລະອາດຫານ, ກ້າແກ່ນໜຽວແໜ້ນ, ມີໄຫວພິບ ແລະ ປະດິດສ້າງ, ກອງທັບປະຊາຊົນລາວມີນ້ຳໃຈດຸໝັ່ນຂະຫຍັນພຽນ, ອອກແຮງງານເພີ່ມພູນຜະລິດຜົນ ແລະ ປະຍັດມັດທະຍັດ, ກອງທັບປະຊາຊົນລາວຍາມໃດກໍ່ມີຄວາມສາມັກຄີແໜ້ນແຟ້ນກັບປະຊາຊົນບັນດາເຜົ່າ, ກອງທັບປະຊານລາວໄດ້ມີຄວາມສາມັກຄີກັບກອງທັບປະຊາຊົນບັນດາປະເທດສັງຄົມນິຍົມ,

ກອງທັບປະຊາຊົນລາວເວລາໃດກໍ່ຮັກສາມູນເຊື້ອອັນດີງາມ ມີປະຊາທິປະໄຕ ແລະມີລະບຽບວິໄນ, ພັກເຮົາຖືວ່າ: ປະຊາທິປະໄຕທັງແມ່ນຈຸດໝາຍ ທັງແມ່ນກຳລັງດັນຂອງພາລະກິດປະຕິວັດຂອງປະເທດເຮົາ, ການເສີມຂະຫຍາຍປະຊາທິປະໄຕແມ່ນຂະບວນວິວັດໜຶ່ງທີ່ຕິດພັນກັບຈັງຫວະຂະຫຍາຍຕົວໃນທຸກດ້ານຂອງປະເທດຊາດ, ເສີມຂະຫຍາຍມູນເຊື້ອກອງທັບປະຊາຊົນລາວເຂົ້າໃນການປົກປັກຮັກສາ ແລະ ພັດທະນາປະເທດຊາດ, ຕັ້ງໜ້າຮັກສາມູນເຊື້ອ, ທາດແທ້ປະຕິວັດ ແລະ ທາດແທ້ປະຊາຊົນລາວໃຫ້ເລິກເຊິ່ງ ແລະ ໜັກແໜ້ນ, ເປັນກຳລັງທີ່ຈົ່ງຮັກພັກດີ ແລະ ເຄື່ອນໄຫວຢູ່ພາຍໃຕ້ເດັດຂາດໂດຍກົງ ແລະ ຮອບດ້ານຂອງພັກ,

ຕັ້ງໜ້າປັບປຸງກໍ່ສ້າງກຳລັງຫຼວງໃຫ້ມີກຳລັງແຮງສູ້ຮົບ, ເປັນຫຼັກແຫຼ່ງ ແລະ ສາມາດຕອບຕ້ານ, ແກ້ໄຂສະພາບການທີ່ເກີດຂື້ນໄດ້ຢ່າງມີປະສິດທິພາບ, ເພີ່ມທະວີກໍ່ສ້າງກຳລັງທ້ອງຖິ່ງ ແລະ ຮາກຖານໃຫ້ສາມາດເປັນກຳລັງຈັ້ງທ່າ, ຊ່ວຍໜູນ ແລະ ແກ້ໄຂສະພາບການທີ່ເກີດຂື້ນຢູ່ທ້ອງຖິ່ງຂອງຕົນເພື່ອປົກປັກຮັກສາລະບອບປະຊາທິປະໄຕປະຊາຊົນໄວ້ໃຫ້ໝັ້ນຄົງ,

ໃນໂອກາດດຽວກັນນີ້ບັນດາທ່ານຄະນະປະຈຳພັກເມືອງ, ກຳມະການພັກເມືອງ, ກົມກອງ, ຫ້ອງການຕ່າງໆອອ້ມຂ້າງເມືອງກໍ່ຍັງໄດ້ພ້ອມກັນນຳເອົາກະຕ່າຂອງຂວັນເຂົ້າມອບໃຫ້ກຳລັງ ປ ກ ຊ ເນື່ອງໃນໂອກາດສະເຫຼີມສະຫຼອງວັນທີ 20 ມັງກອນຢ່າງເປັນຂະບວນຟົດຟື້ນ

ຂ່າວ: ບຸນລ້ອມ

Leave a Reply

Your email address will not be published. Required fields are marked *

You may have missed