Vieng Chanh News

ແຂວງວຽງຈັນອອນລາຍ

ແຂວງວຽງຈັນ ສະເຫຼີມສະຫຼອງ ວັນສ້າງຕັ້ງ ກຳມະບານລາວຄົບຮອບ 65 ປີ

1 min read

ແຂວງວຽງຈັນ ສະເຫຼີມສະຫຼອງ ວັນສ້າງຕັ້ງ ກຳມະບານລາວຄົບຮອບ 65 ປີ


ການສະເຫຼີມສະຫຼອງວັນສ້າງຕັ້ງກຳມະບານລາວ ຄົບຮອບ 65 ປີຢູ່ແຂວງວຽງຈັນໄດ້ຈັດຂຶ້ນ ໃນວັນທີ 29 ມັງກອນ 2021 ນີ້ ໂດຍເລີ່ມຈາກການຍ່າງເພຶ່ອສຸຂະພາບເລີ່ມຈາກວິທະຍາໄລເຕັກນິກແຂວງວຽງຈັນໄປຮອດສົ້ນຂົວຂ້າມນຳ້ງຶ່ມເມືອງເກົ່າ-ປາກກະຍຸງແລ້ວຍ່າງກັບມາວິທະຍາໄລເຕັກນິກແຂວງລວມໄລຍະທາງປະມານ4ກິໂລແມັດ

ພ້ອມມີການສະແດງສິລະປະຈາກນັກສຶກສາວິທະຍາໄລເຕັກນິກແຂວງ, ຫຼັງຈາກນັ້ນກໍໄດ້ມີການປາຖະກະຖາເລົ່າຄືນໂດຍມູນເຊື່ອວັນສ້າງຕັ້ງສະພັນກຳມະບານລາວຄົບຮອບ 65ປີ ໂດຍສະຫາຍ ຄຳພູທອນ ເທບສຸພົມ ກຳມະການພັກແຂວງ, ປະທານສະຫະພັນກຳມະບານແຂວງວຽງຈັນ

ໂດຍເປັນກຽດເຂົ້າຮ່ວມຂອງສະຫາຍ ຄຳພັນ ສິດທິດຳພາ ກຳມະການສູນກາງພັກ, ເລຂາພັກແຂວງ, ເຈົ້າແຂວງວຽງຈັນ, ມີບັນດາຄະນະປະຈຳພັກ, ກຳມະການພັກແຂວງ, ບັນດາຄະນະກຳມະບານຮາກຖານພະແນກການ, ກົມກອງຫ້ອງການ, ເມືອງອ້ອມຂ້າງພ້ອມດ້ວຍສະມາຊິກກຳມະບານເຂົ້າຮ່ວມ.


ສະຫາຍ ຄຳພູທອນ ເທບສຸພົມ ໄດ້ຍົກໃຫ້ເຫັນເຖິງປະຫວັດຄວາມເປັນມາແລະການເຕີບໃຫຍ່ຂະຫຍາຍຕົວຂອງສະພັນກຳມະບານລາວ ເຊິ່ງໄດ້ຮັບການສ້າງຕັ້ງຂຶ້ນຢ່າງເປັນທາງການໃນວັນທີ 1 ກຸມພາ 1956 ຢູ່ເຂດທີ່ໝັ້ນແຂວງຫົວພັນໂດຍແມ່ນສະຫາຍ ສີສົມພອນ ລໍວັນໄຊ ເປັນຜູ້ຮັບຜິດຊອບ ໂດຍພາຍໃຕ້ການຊີ້ນຳຂອງຄະນະນຳສູນກາງພັກ

ເຊິ່ງການຈັດຕັ້ງກຳມະບານຫຼັງຈາກໄດ້ຮັບການສ້າງຕັ້ງຂຶ້ນມາແລ້ວກໍ່ໄດ້ເຮັດໜ້າທີ່ປະກອບສ່ວນປຸກລະດົມຂົນຂວາຍຢ່າງແຂງແຮງເຂົ້າໃນຂະບວນການຕໍ່ສູ້ກູ້ຊາດເພື່ອໂຄນລົ້ມລະບອບສັກດີນາປະຕິການ ແລະ ແອກປົກຄອງຂອງຈັກກະພັດຕ່າງດ້າວ ແລະ ສ້າງຕັ້ງລະບອບໃຫມ່ຂຶ້ນຢ່າງສົມບູນໃນວັນທີ 2 ທັນວາ1975.

ສະຫາຍກ່າວເພີ່ມຕື່ມອີກວ່າ:ສະເພາະສະຫະພັນກຳມະການແຂວງວຽງຈັນແມ່ນໄດ້ຮັບການສ້າງຕັ້ງຂຶ້ນພ້ອມກັບການປະກາດສ້າງຕັ້ງແຂວງວຽງຈັນໃນປີ 1981 ແລະ ມີການເຕີບໃຫຍ່ຂະຫຍາຍຕົວຂຶ້ນເລື່ອຍໆ

ເຊິ່ງເຫັນໄດ້ຈາກຜົນງານ 5ປີ ທີ່ຜ່ານມາສາມາດໄດ້ຜົນງານຫຼາຍດ້ານເປັນຕົ້ນແມ່ນການຂະຫຍາຍການຈັດຕັ້ງກຳມະບານເຂົ້າສູ່ຫົວໜ່ວຍແຮງງານເອກະຊົນພາຍໃນ ແລະຫົວໜ່ວຍການລົງທຶນຂອງຕ່າງປະເທດ,ການຈັດສົ່ງພະນັກງານໄປອົບຮົມ ແລະ ຍົກລະດັບຄວາມຮູ້ກ່ຽວກັບວຽກງານກຳມະບານຢູ່ພາຍໃນແລະຕ່າງປະເທດ,ການຍ້ອງຍໍປະເພດປະເພດຕ່າງໆ,ການສ້າງແລະປັບປຸງສັນຍາແຮງ


ງານລວມໝູ່ຢູ່ບັນດາຫົວໜ່ວຍແຮງງານເອກະຊົນ,ການລົງໂຄສະນາວຽກງານຕ້ານການຄ້າມະນຸດ,ໃຫ້ຄຳປຶກສາແກ່ຄອບຄົວຜູ້ຖືກຂະບວນການຄ້າມະນຸດຫຼອກລວງໄປແຕ່ງງານກັບຄົນຕ່າງປະເທດ,ສົ່ງເດັກທີ່ຖືກເຄາະຮ້າຍຈາກຂະບວນການຄ້າມະນຸດ ສູ່ຄອບຄົວຈໍານວນ 9 ຄົນ


ປະກອບອາຊີບໃຫ້ໄດ້ກຜູ້ຖືກເຄາະຮ້າຍ ຈາກການຄ້າມະນຸດ ຈໍານວນ 6 ຄົນ, ລົງຕິດຕາມການປະຕິບັດໂມງ
ເວລາເຮັດວຽກຂອງກໍາມະກອນ ຢູ່ບັນດາໂຮງຈັກໂຮງງານພາຍໃນແຂວງ

ນອກນີ້, ຍັງໄດ້ສ້າງຕັ້ງຫ້ອງການໃຫ້ຄໍາປຶກສາທາງດ້ານກົດໝາຍ ແລະ ໄດ້ໃຫ້ຄໍາປຶກສາທາງດ້ານກົດໝາຍແກ່ກໍາມະກອນ ແລະຊາວຜູ້ອອກແຮງ ງານ.


ໃນຕອນທ້າຍຂອງພິທີຍັງໄດ້ມີການມອບໃບຍ້ອງຍໍໃຫ້ກຳມະບານຮາກຖານພະແນກການ, ອົງການ, ໂຮງຮຽນ, ໂຮງໝໍ ແລະ ກຳມະບານເມືອງທີ່ມີຜົນງານດີເດັ່ນໃນການຈັດຕັ້ງປະຕິບັດວຽກງານກຳມະບານໃນໄລຍະຜ່ານມາ

ແລະ ມອບຂັນລາງວັນໃຫ້ນັກກິລາເປຕັງ ແລະ ກິລາດອກປີກໄກ່ ທີ່ຊະນະການແຂ່ງຂັນກິລາສ້າງຂະບວນການຕ້ອນຮັບວັນສ້າງຕັ້ງກຳມະບານລາວຄົບຮອບ 65 ປີ ທີ່ໄດ້ຈັດຂຶ້ນໃນອາທິດທີ່ຜ່ານມາ.


#ແຂວງວຽງຈັນອອນລາຍ.
ພາບ-ຂ່າວ: ບຸນມາ ແກ້ວບຸດດາ.

Leave a Reply

Your email address will not be published. Required fields are marked *

You may have missed