ເມືອງແມດມອບ-ຮັບເງິນຕາມດຳລັດ 272 / ລ ບ - Vieng Chanh News

Vieng Chanh News

ແຂວງວຽງຈັນອອນລາຍ

ເມືອງແມດມອບ-ຮັບເງິນຕາມດຳລັດ 272 / ລ ບ

1 min read

ວັນທີ 29 ມີຖຸນາ 2021 ຜ່ານມານີ້, ຢູ່ທີ່ສະໂມສອນໃຫຍ່ຂອງເມືອງແມດ ແຂວງວຽງຈັນ ໄດ້ມີພິທີມອບ – ຮັບເງິນນະໂຍບາຍຕາມດຳລັດ 272 / ລ ບ.

ໂດຍເປັນປະທານຂອງທ່ານ ບຸນຮຽງ ເນືອງດາຣາ ກຳມະການພັກເມືອງ ຫົວໜ້າແຮງານ ແລະ ສະຫວັດດີການສັງຄົມເມືອງແມດ ແລະ ເປັນກຽດເຂົ້າຮ່ວມຂອງທ່ານ ເຄນ ໄຕຄຳ ຮອງເລຂາພັກເມືອງ ຜູ້ຊີ້ນຳວຽກງານການເມືອງແນວຄິດ, ມີບັນດາທ່ານຄະນະປະຈຳພັກເມືອງ, ກຳມະການພັກເມືອງ, ມີບັນດາຄອບທີ່ມີເປົ້າໝາຍຮັບເງິນນະໂຍບາຍຈຳນວນ 10 ທ່ານເຂົ້າຮ່ວມ.

ໃນພິທີທ່ານ ຈັນທະວອນ ວິໄລສານ ຮອງຫົວໜ້າຫ້ອງການແຮງງານ ແລະ ສະຫວັດດີການສັງຄົມເມືອງແມດກໍ່ໄດ້ຂື້ນຜ່ານຂໍ້ຕົກລົງ ຂອງກະຊວງແຮງານ ແລະ ສະຫວັດດີການສັງຄົມ ສະບັບເລກທີ 4016 ລົງວັນທີ 1 ທັນວາ 2020 ວ່າດ້ວຍ: ການອານຸມັດເງິນອຸດໜູນເສຍຊິວິດໃນງວດ IV ປະຈຳປີ 2020.

ໃນພີທີດັ່ງກ່າວທ່ານ ເຄນ ໄຕຄຳ ຮອງເລຂາພັກເມືອງກໍ່ໄດ້ເປັນກຽດຂື້ນກ່າວມອບເງິນຈຳນວນເງິນຈຳນວນ 194, 427,300 ກີບ ແລະ ກ່າວຮັບໂດຍແມ່ນທ່ານ ບຸນຮຽງ ເນືອງດາຣາ ກຳມະການພັກເມືອງ ຫົວໜ້າຫ້ອງການແຮງງານ ແລະ ສະຫວັດດີການ – ສັງຄົມເມືອງແມດ ແລະ ທ່ານຫົວໜ້າຫ້ອງການແຮງງານ ແລະ ສະຫວັດດີການ – ສັງເມືອງກໍ່ໄດ້ມອບຕໍ່ໃຫ້ບັນດາເປົ້າໝາຍທີ່ໄດ້ຮັບດັ່ງກ່າວຈຳນວນ 10 ທ່ານ, ແລະ ໃນຕອນທ້າຍຂອງພິທີທ່ານ ເຄນ ໄຕຄຳ ຮອງເລຂາພັກເມືອງ ກໍ່ໄດ້ຂື້ນມີຄຳເຫັນໂອ້ລົມຕໍ່ພິທີ, ເຊິ່ງທ່ານໄດ້ກ່າວຄຳຂອບອົກຂອບໃຈມາຍັງພັກ-ລັດກໍ່ຄືຂັ້ນເທິງທີ່ມີເປັນຫ່ວງເປັນໄຍນຳຜູ້ທີ່ມີຄູນງາມຄວາມດີໃນການປະຕິບັດຊາດ, ຕໍ່ສູ້ກູ້ຊາດໃນໄລຍະຜ່ານມາ.

ພ້ອມທັງເຫັນດີແນະນຳໃຫ້ບັນດາທ່ານທີ່ມີເປົ້າທີ່ໄດ້ຮັບນະໂຍບາຍຕາມດຳລັດ 272 / ລ ບ ໃນຄັ້ງນີ້ຈົ່ງພ້ອມກັນນຳເອົາເງິນຈຳນວນດັ່ງກ່າວໄປໝູນໃຊ້ໃນຄອບຄົວໃຫ້ສອດຄ່ອງ ແລະ ຖືກຕ້ອງ ບໍ່ໃຫ້ມີຫາງສຽງທີ່ບໍ່ດີຈາກສັງຄົມ ແລະ ບໍ່ໃຫ້ນຳໃຊ້ເງິນຈຳນວນດັ່ງກ່າວໄປໃນທາງທີ່ບໍ່ຖືກຕ້ອງເປັນຕົ້ນແມ່ນຫຼິ້ນກິນຟຸມເຟືອຍ ຫຼື ການພະນັນ ແລະ ອື່ນໆ ຈົ່ງພ້ອມກັນນຳເອົາເງິນໄປໃນທາງທີ່ຖືກຕ້ອງ ແລະ ມີຄວາມຈຳເປັນເພື່ອໃຫ້ເກີດປະໂຫຍດສູງສຸດພາຍໃນຄອບຄົວ.

ຂ່າວ: ບຸນລ້ອມ ດວງມະນີ ໂທ 020 56424343

Leave a Reply

Your email address will not be published.

ສະຫງວນລິຂະສິດ