ເມືອງໝື່ນເປີດກອງປະຊຸມຄົບຄະນະບໍລິຫານງານພັກເມືອງ ຄັ້ງທີ 6 ສະໄຫມ ທີ III - Vieng Chanh News

Vieng Chanh News

ແຂວງວຽງຈັນອອນລາຍ

ເມືອງໝື່ນເປີດກອງປະຊຸມຄົບຄະນະບໍລິຫານງານພັກເມືອງ ຄັ້ງທີ 6 ສະໄຫມ ທີ III

1 min read

ກອງປະຊຸມ ຄົບຄະນະບໍລິຫານງານພັກເມືອງໝື່ນ ຄັ້ງທີ 6 ສະໄຫມທີ III ໄຂຂຶ້ນ ແລະ ອັດລົງ ໃນວັນທີ 30 ມີຖຸນາ 2021 ນີ້ ຢູ່ທີ່ສະໂມສອນໃຫຍ່ ຫ້ອງວ່າການເມືອງໝື່ນ ແຂວງວຽງຈັນ.

ພາຍໃຕ້ການເປັນປະທານ ຂອງສະຫາຍ ພອນເທີດ ສຸຫວັດດີ ກຳມະການພັກແຂວງ ເລຂາພັກເມືອງ ເຈົ້າເມືອງ-ເມືອງໝື່ນ, ມີ ສະຫາຍ ບົວເເກ້ວ ພອນໄຊສະຫວັດ ຮອງເລຂາພັກເມືອງ ປະທານກວດກາພັກ – ລັດ ,ທັງເປັນສະມາຊິກສະພາປະຊາຊົນແຂວງວຽງຈັນ ຊຸດທີ II ປະຈໍາເຂດເລືອກຕັ້ງເມືອງໝື່ນ,ມີສະຫາຍ ບຸນເພັງ ເຮີບົວລົງ ຮອງເລຂາພັກເມືອງ ຜູ້ຊີ້ນຳວຽກພັກ -ພະນັກງານ , ມີບັນດາຄະນະປະຈຳພັກເມືອງ, ກຳມະການພັກເມືອງ ,ພະນັກງານຫຼັກແຫຼ່ງຂອງເມືອງ, ເລຂາໜ່ວຍພັກບ້ານ – ນາຍບ້ານ ທົ່ວເມືອງເຂົ້າຮ່ວມຢ່າງພ້ອມພຽງ.


ກອງປະຊຸມ ຈະໄດ້ຟັງບົດສະຫຼຸບຮອບດ້ານ 6 ເດືອນຕົ້ນປີ ແລະ ທິດທາງແຜນການ 6 ເດືອນທ້າຍ ປີ 2021 ,ຮັບຟັງການປະກອບຄຳເຫັນ ຂອງຫ້ອງການ ຍທຂ ກ່ຽວກັບການຄຸ້ມຄອງ ແລະ ປົກປັກຮັກສາ ທາງຫຼວງຂອງແຂວງ (ເສັ້ນທາງ 4501 ຫີບເຫີບ – ບ້ານວັງ),ຮັບຟັງ ການປະກອບຄໍາເຫັນຂອງຫ້ງການ ຊສ ກ່ຽວກັບການຄຸ້ມຄອງສິ່ງແລດລ້ອມ ແລະ ການກໍາຈັດຂີ້ເຫຍື່ອ.

ຮັບຟັງການປະກອບຄຳເຫັນຈາກຄະນະສະເພາະກິດບ້ານເມືອງໝື່ນກ່ຽວກັບການຈັດຕັ້ງປະຕິບັດມາດຕະການປ້ອງກັນ ແລະ ສະກັດກັ້ນການລະບາດພະຍາດໂຄວິດ-19, ຮັບຟັງບ້ານໂພນງາມປະກອບຄຳເຫັນກ່ຽວກັບການຄຸ້ມຄອງ,ການບໍລິຫານບ້ານ, ຮັບຟັງການປະກອບຄຳເຫັນຂອງກອງຮ້ອຍຊາຍແດນ 232 ກ່ຽວກັບການຄຸ້ມຄອງປ້ອງກັນຊາຍແດນ.

ນອກຈາກນີ້ກອງປະຊຸມຈະໄດ້ປະກາດຊັບຊ້ອນພະນັກງານລົງກໍ່ສ້າງຮາກຖານການເມືອງ,ຜ່ານຂໍຕົກລົງວ່າດ້ວຍການມອບໂອນກົງຈັກການຈັດຕັ້ງຂະເເໜງວິທະຍາສາດເຕັກໂນໂລຊີໄປຢູ່ຂະແໜງການອື່ນ ພິເສດຕອນທ້າຍກອງປະຊຸມຈະໄດ້ຮັບຟັງການມີຄຳເຫັນໂອ້ລົມ ຈາກສະຫາຍ ພອນເທີດ ສຸຫວັດດີ ກຳມະການພັກເເຂວງ,ເລຂາພັກເມືອງ ເຈົ້າເມືອງໆໝື່ນ ປະທານກອງປະຊຸມ ຕື່ມອີກ.

ຂ່າວ: ແຫວນຄຳ

Leave a Reply

Your email address will not be published.

ສະຫງວນລິຂະສິດ