ກອງປະຊຸມນຳສະເໜີບົດລາຍງານການຈັດຕັ້ງປະຕິບັດກິດຈະກໍາ ແລະ ສະຫຼຸບງົບປະມານປະຈໍາປີທີ 1 ແລະ ນຳສະເໜີແຜນກິດຈະກໍາ, ງົບປະມານປະຈຳປີທີ 2 ຂອງໂຄງການສ້າງຄວາມເຂັ້ມແຂງ ໃຫ້ກັບວຽກງານແກ້ໄຂຂໍ້ຂັດແຍ່ງຂັ້ນບ້ານໄລຍະທີ II ເມືອງວັງວຽງ ແຂວງວຽງຈັນ - Vieng Chanh News

Vieng Chanh News

ແຂວງວຽງຈັນອອນລາຍ

ກອງປະຊຸມນຳສະເໜີບົດລາຍງານການຈັດຕັ້ງປະຕິບັດກິດຈະກໍາ ແລະ ສະຫຼຸບງົບປະມານປະຈໍາປີທີ 1 ແລະ ນຳສະເໜີແຜນກິດຈະກໍາ, ງົບປະມານປະຈຳປີທີ 2 ຂອງໂຄງການສ້າງຄວາມເຂັ້ມແຂງ ໃຫ້ກັບວຽກງານແກ້ໄຂຂໍ້ຂັດແຍ່ງຂັ້ນບ້ານໄລຍະທີ II ເມືອງວັງວຽງ ແຂວງວຽງຈັນ

1 min read

ໃນຕອນເຊົ້າຂອງວັນທີ 29 ມິຖຸນາ 2021 ນີ້, ຢູ່ທີ່ສະໂມສອນ ຂອງເມືອງວັງວຽງ ແຂວງວຽງຈັນ, ໄດ້ຈັດກອງປະຊຸມນຳສະເໜີບົດລາຍງານການຈັດຕັ້ງປະຕິບັດກິດຈະກໍາ ແລະ ສະຫຼຸບງົບປະມານປະຈໍາປີທີ 1 ແລະ ນຳສະເໜີແຜນກິດຈະກໍາ, ງົບປະມານປະຈຳປີທີ 2 ຂອງໂຄງການສ້າງຄວາມເຂັ້ມແຂງໃຫ້ກັບວຽກງານແກ້ໄຂຂໍ້ຂັດແຍ່ງຂັ້ນບ້ານໄລຍະທີ II ເມືອງວັງວຽງ ແຂວງວຽງຈັນ.

ໂດຍການເຂົ້າຮ່ວມຂອງທ່ານ ສຸວຽງທອງ ວົງຈຳປາ ຮອງເລຂາພັກເມືອງ, ມີທ່ານ ຈັນສອນ ກົງດາລາ ຮອງຫົວໜ້າພະແນກຍຸຕິທຳແຂວງວຽງຈັນ, ມີບັນດາທ່ານກຳມະການພັກເມືອງ, ຫົວຫນ້າ-ຮອງຫ້ອງການ, ວິຊາການ ແລະເລຂາພັກບ້ານ-ນາຍບ້ານເຂົ້າຮ່ວມ.


ທ່ານ ພອນສິນ ທິລະກຸນ ຫົວໜ້າຂະແໜງສົ່ງເສີມລະບົບຍຸຕິທຳ ພະແນກຍຸຕິທຳແຂວງວຽງຈັນ ຍັງໄດ້ຜ່ານບັນດາເອກະສານນຳສະເໜີບົດລາຍງານການຈັດຕັ້ງປະຕິບັດກິດຈະກໍາ ແລະ ສະຫຼຸບງົບປະມານປະຈໍາປີທີ 1 ຄື: ໄດ້ໂຄສະນາເຜີຍແຜ່ກົດໝາຍບາງມາດຕາຂອງກົດໝາຍທີ່ກ່ຽວຂ້ອງເປັນຕົ້ນ:ກົດໝາຍຄອບຄົວ, ກົດໝາຍວ່າດ້ວຍການພັດທະນາ ແລະ ປົກປ້ອງແມ່ຍິງ, ກົດໝາຍວ່າດ້ວຍການຕ້ານແລະສະກັດກັ້ນການໃຊ້ຄວາມຮຸນແຮງຕໍ່ແມ່ຍິງ ແລະ ເດັກນ້ອຍ, ກົດໝາຍທີ່ດິນ ແລະ ດຳລັດວ່າດ້ວຍການຊ່ວຍເຫຼືອທາງດ້ານກົດໝາຍ ໃຫ້ແກ່ຄະນະແກ້ໄຂ,ອົງການປົກຄອງບ້ານ ແລະ ຫົວໜ້າຊິງຊາວ ປະກອບມີ 5 ບ້ານຄື:ບ້ານ ໂພນເພັງ, ບ້ານ ສະຫວ່າງ, ບ້ານ ວຽງແກ້ວ,ບ້ານ ເມືອງຊອງ ໃນໄລຍະເວລາ: ເດືອນ ຕຸລາ 2020 – ເດືອນ ພຶດສະພາ 2021 ແລະ ນຳສະເໜີແຜນກິດຈະກໍາ, ງົບປະມານປະຈຳປີທີ 2 ຂອງໂຄງການສ້າງຄວາມເຂັ້ມແຂງໃຫ້ກັບວຽກງານແກ້ໄຂຂໍ້ຂັດແຍ່ງຂັ້ນບ້ານໄລຍະທີ II ເມືອງວັງວຽງ, ແຂວງວຽງຈັນ.

ໂດຍຜູ້ໃຫ້ທຶນແມ່ນອົງການມິດຕະພາບ ເມັນໂນນາຍ.
ຈາກນັ້ນ, ພາຍໃນກອງປະຊຸມຍັງໄດ້ມີການປະກອບຄຳຄິດຄຳເຫັນຕໍ່ການນຳສະເໜີບົດລາຍງານ, ຂໍ້ສະດວກ, ຂໍ້ຫຍຸ້ງຍາກ ແລະ ບົດຮຽນທອດຖອນໄດ້ຈາກການຈັດຕັ້ງປະຕິບັດ ໃນໄລຍະຜ່ານມາ ໂດຍມີພະແນກຕ່າງປະເທດ, ຄູ່ຮ່ວມງານຂັ້ນເມືອງແລະຜູ້ຕາງໜ້າຈາກບ້ານ. ກອງປະຊຸມແມ່ນໄດ້ດຳເນີນໄປເປັນເວລາ 2 ວັນເຕັມນັບແຕ່ວັນທີ 29-30 ມິຖຸນາ 2021 ຈຶ່ງຈະສຳເລັດ.
ຕອນທ້າຍ, ກອງປະຊຸມ ທ່ານ ສຸວຽງທອງ ວົງຈຳປາ ຮອງເລຂາພັກເມືອງ ຍັງໄດ້ໃຫ້ກຽດໂອ້ລົມຕື່ມອີກ.

ຂ່າວ: ເມືອງວັງວຽງ

Leave a Reply

Your email address will not be published.

ສະຫງວນລິຂະສິດ