6 ເດືອນຕົ້ນປີ ເມືອງໝື່ນ ເເຂວງວຽງຈັນ ມີຜົນສໍາເລັດຫຼາຍດ້ານທີ່ພົ້ນເດັ່ນ - Vieng Chanh News

Vieng Chanh News

ແຂວງວຽງຈັນອອນລາຍ

6 ເດືອນຕົ້ນປີ ເມືອງໝື່ນ ເເຂວງວຽງຈັນ ມີຜົນສໍາເລັດຫຼາຍດ້ານທີ່ພົ້ນເດັ່ນ

1 min read

ວັນທີ 30 ມີຖຸນາ 2021 ນີ້, ຕາມວາລະກອງປະຊຸມ ຄົບຄະນະບໍລິຫານງານພັກເມືອງໝື່ນ ຄັ້ງທີ 6 ສະໄໝທີ III ພາຍໃຕ້ການເປັນປະທານຂອງ ສະຫາຍ ພອນເທີດ ສຸຫວັດດີ ເລຂາພັກເມືອງ ເຈົ້າເມືອງໆໝື່ນ ແລະ ມີມີບັນດາ ສະຫາຍ ໃນຄະນະປະຈຳພັກເມືອງ, ກຳມະການພັກເມືອງ ,ພະນັກງານຫຼັກແຫຼ່ງຂອງເມືອງ, ເລຂາໜ່ວຍພັກບ້ານ – ນາຍບ້ານ ທົ່ວເມືອງເຂົ້າຮ່ວມ.


ສະຫາຍ ພອນເທີດ ສະຫວັດດີ ເລຂາພັກເມືອງ ເຈົ້າເມືອງໝື່ນ ໄດ້ລາຍງານໃນບົດສະຫຼຸບໃຫ້ຮູ້ວ່າ: ໃນໄລຍະ 6 ເດືອນຕົ້ນປີຜ່ານມາຄະນະບໍລິຫານງານພັກເມືອງໝື່ນ ໄດ້ສືບຕໍ່ຫັນເອົາແນວທາງນະໂຍບາຍຂອງພັກ,ບັນດາມະຕິ,ຄຳສັ່ງ,ຄຳເເນະນະ,ລະບຽບກົດໝາຍຂອງລັດ, ລົງຮາກຖານຜັນຂະຫຍາຍ ມະຕິ XI ຂອງພັກ, ມະຕິ VI ຂອງອົງຄະນະພັກເເຂວງ,ມະຕິ III ຂອງອົງຄະນະພັກເມືອງໝື່ນ ແລະ ປະຕິບັດໂຄງການດຳເນີນງານຂອງອົງຄະນະພັກ ເຊິ່ງເຫັນວ່າບັນລຸຕາມຄາດໝາຍຈຳນວນໜຶ່ງ, ການຜະລິດເປັນສິນຄ້າ,ການປູກຝັງ – ການລ້ຽງສັດ ມີທ່າຂະຫຍາຍຕົວຢ່າງຕໍ່ເນື່ອງ ຊີວິດການເປັນຢູ່ຂອງປະຊາຊົນບັນດາເຜົ່າ ກໍ່ໄດ້ຮັບການພັດທະນາດີຂຶ້ນເທື່ອລະກ້າວ,ມີສະຖຽນລະພາບທາງດ້ານການເມືອງ,ສັງຄົມມີຄວາມເປັນລະບຽບຮຽບຮ້ອຍ ໂດຍຫັນເອົາວຽກງານປ້ອງກັນຊາດ – ປ້ອງກັນຄວາມສະຫງົບ ເປັນວຽກງານທົ່ວປ່ວງຊົນຮອບດ້ານ,ຄຽງຄູ່ກັນນັ້ນດ້ານເສດຖະກິດ ຊີວິດການເປັນຢູ່ ຂອງປະຊົນ ໄດ້ຮັບການປັບປຸງດີຂຶ້ນເທື່ອລະກ້າວ ສົ່ງເສີມການຜະລິດເປັນສິນຄ້າ.

ໂດຍເລັ່ງໃສ່ການປູກຝັງ – ລ້ຽງສັດເປັນຕົ້ນ: ປູກເຂົ້າ,ມັນຕົ້ນ,ຢາງພາລາ ແລະ ຕົ້ນໄມ້ໃຫ້ໝາກ ເພື່ອເປັນສິນຄ້າ, ວຽກງານວັດທະນະທຳ-ສັງຄົມ ກໍ່ໄດ້ຍາດເເຍ່ງຊອກຫາແຫຼ່ງທຶນຕ່າງໆ ທັງພາຍໃນ ແລະ ຕ່າງປະເທດ ເຂົ້າໃນການພັດທະນາຄຸນນະພາບການສຶກສາ ໃຫ້ນັບມື້ມີການພັດທະນາຂຶ້ນໄປເທື່ອລະກ້າວ ,ເຄື່ອນໄຫວໂຄສະນາສຸຂະສຶກສາ ແລະ ນຳພາພໍ່ແມ່ປະຊາຊົນສ້າງຂະບວນການທຳລາຍແຫຼ່ງເພາະພັນຂອງຍຸງລາຍ,ພ້ອມທັງສັກຢາກັນພະຍາດໄດ້ 90%, ວຽກງານທາງດ້ານສືມວນຊົນພາຍໃນເມືອງໄດ້ມີການເຄື່ອນໄຫວຢ່າງເຕັມສ່ວນ ຕອບສະໜອງຂໍ້ມູນຂ່າວສານໃຫ້ສັງຄົມໄດ້ວ່ອງໄວ,ກ້ວາງຂວາງ,ດ້ວຍການນຳໃຊ້ວິທະຍຸ,ລະບົບໂທລະໂຄ່ງເມືອງ,ບ້ານ,ສືອ່ອນລາຍ ,ເຄື່ອນໄຫວໂຄສະນາເຄື່ອນທີ່ ເຮັດໃຫ້ສັງຄົມມີຄວາມເຊື້ອໝັ້ນການນຳພາຂອງການຈັດຕັ້ງພັກ,ກໍ່ຄືອົງຄະນະພັກເມືອງໝື່ນໄດ້ເປັນຢ່າງດີ.


ເມືອງໝື່ນໄດ້ສຸ່ມໃສ່ ກໍ່ສ້າງຮາກຖານການເມືອງພັດທະນາຊົນນະບົດຮອບດ້ານ ແລະ ວຽກງານ 3 ສ້າງ ຖືເອົາວຽກງານກໍ່ສ້າງຮາກຖານການເມືອງພັດທະນາຊົນນະບົດຮອບດ້ານ ສ້າງບ້ານ ແລະ ກຸ່ມບ້ານພັດທະນາຕາມ 4 ເນື້ອໃນ 4 ຄາດໝາຍ ເປັນວຽກງານສໍາຄັນ, ສໍາລັບວຽກງານປ້ອງກັນ,ຄວບຄຸມ ແລະ ແກ້ໄຂການແຜ່ລະບາດຂອງພະຍາດໂຄວິດ-19 ເມືອງໝື່ນ ໄດ້ປະຕິບັດຕາມບັນດາຄໍາສັ່ງ,ຄໍາເເນະ ແລະ ແຈ້ງການຕ່າງໆ ຂອງຂັ້ນເທິ່ງໄດ້ເປັນຢ່າງດີ ,ໄດ້ຈັດຕັ້ງຈຸດກວດກາຄົນເຂົ້າອອກເມືອງ ມາຮອດປະຈຸບັນຕົວເລກຜູ້ຕິດເຊື້ອຢູ່ເມືອງໝື່ນມີ 6 ຄົນ ,ປິ່ນປົວດີແລ້ວ 4 ຄົນ.ກຳລັງຕິດຕາມປິ່ນປົວ 2 ຄົນ.

ຂ່າວ : ແຫວນຄຳ

Leave a Reply

Your email address will not be published.

ສະຫງວນລິຂະສິດ